阮浩棕被當眾拋窒一句逼供戀情 阿姐汪明荃出招一句「使唔使買嘢畀女友」
圍繞汪明荃（阿姐）出發看世界為主題的台慶綜藝節目《帶阿姐看世界》，第二站是摩洛哥，而摩洛哥站旅伴是「顏值擔當」阮浩棕（Nicholas）。頭兩集阿姐與阮浩棕歎盡宏偉靚景，今站阮浩棕走知性男路線，全程拖到阿姐實一實照顧周到之餘，還將大量摩洛哥的重要資訊自然又流暢地呈現到阿姐及觀眾眼前，獲阿姐大讚勤力、做足功課。
阿姐再出招逼供戀情 一句「使唔使買嘢畀女友」拋窒阮浩棕
對於孫仔戀情寧舍關心的阿姐，繼上一站向周嘉洛逼供與緋聞女友陳瀅的真實關係後，今集又逼供阮浩棕招認與緋聞女友何沛珈戀情。事緣二人閒狂皮革製品時，阿姐突襲阮浩棕：「你使唔使買啲嘢畀女友呀？」隨即嚇到阮浩棕口窒窒，之後工作人員再著阮浩棕買「情侶銀包」，阮浩棕即馬上拖阿姐落水，豈料卻慘遭阿姐大派檸檬！
阿姐坦言被「通山跑」周潤發嚇親？
駐顏有術的阿姐，在節目還將大談養生之道，並笑言不會學周潤發般跑山：「我同家英哥有時會行山」、「我行平路，唔係發仔嗰啲，發仔嗰啲跑到嚇死我」、「只要平平安安就得啦，唔使做咁多嘢，要睇自己身體條件吖嘛。」現年78歲的阿姐，還透露了直到今時今日，她都堅持每天會「返咗office先」，對工作熱愛度一百分。
港生活人氣娛樂新聞
【立即睇👀】最新演唱會時間表🎤搶飛情報🎫！
不再錯過演出消息‼️附搶飛連結🔗
【📢招Chii爸媽】U Community社群送Chiikawa公仔100隻！
假日好去處