帶阿姐看世界｜羅家英呻「唔聽我講嘢幾十年」 阿姐扁嘴撒嬌：咁習慣咗吖嘛

《帶阿姐看世界》不丹篇最後一集 

延續上回懸念，阿姐在節目中一再追問家英哥為何指兩人溝通是「對牛彈琴」。經不起阿姐以「想改善、聽咗唔安樂」為由苦苦哀求，家英哥終把心一橫吐露心聲：「幾十年入面哩，你係唔聽我講嘢架！」。

被直指痛處的阿姐隨即流露出罕見的扁嘴撒嬌樣，委屈回應：「咁習慣咗吖嘛」，更反指家英哥沒耐性。家英哥則幽默回擊：「冇耐性唔會對得你咁耐啦！」

羅家英呻阿姐「唔聽我講嘢幾十年」 

眼見阿姐露出委屈神態，家英哥隨即大展「胸懷」主動求和，並分享夫妻相處真諦：「對得多一定有嗌譖，嗌嚟做咩啫，聽日又對番架喇。」他強調習慣後最重要是互相包涵。令人驚喜的是，一向強勢的阿姐在席間表現心平氣和，甚至有些「頭耷耷」地聽從家英哥教誨，展現出「聽話小女孩」的另一面。

羅家英分享「床頭打交床尾和」真諦

最後一站不丹搵得老公羅家英做旅伴，尾聲的訴心聲內容自然更到肉更溫馨！先接上回宣傳提及阿姐直問家英哥：「你話你同我講嘢對牛彈琴，我唔夠關心你定咩？」雖然家英哥再三迴避，但因經不起阿姐「哀求」：「我想改善吖嘛」、「我聽咗好唔安樂」，終把心一橫和盤托出：「幾十年入面哩，你係唔聽我講嘢架！」阿姐聽完搞笑扁嘴，之後二人對話如下。

羅家英一個動作示範完美寵妻

為了「挽回形象」，阿姐在節目中主動提及家英哥染疫期間，她如何出盡法寶氹老公開心。她透露當時不僅準備「一人邊爐」，更為了讓心情低落的家英哥振作，特意隔著玻璃陪他練歌。阿姐像個小女孩般問道：「咁我為你做呢啲嘢你開唔開心呀？」得到肯定回答後，阿姐露出滿足的甜笑，場面閃盲觀眾。

兩人在節目結尾互相評價對方的改變，家英哥盛讚阿姐變得大膽、好相與且具幽默感，笑指：「你窒我哩，你好開心架！」。隨後家英哥送上「個人專屬郵票」與婚照相架，兩人竟為了照片中「誰的光位較靚」再度鬥嘴。

阿姐抱怨光位都在家英哥身上「蝕底咗」，家英哥則幽默表示是特意遮光免得阿姐覺得「掁眼」，最後更使出「寵妻大法」宣佈投降：「你係權威，你所講嘅嘢都係有道理嘅。」

互祝對方身體健康行得走得

旅程終點，兩人交換心底話。阿姐細心叮囑老公要注意身體、記得食藥打針，眼神盡是愛惜。而家英哥則送上深情祝福，希望阿姐長命過自己，原因竟是：「我舒服啲咯（不用承受離別之苦）。」最後，兩人在不丹的夕陽下翩翩起舞，以幸福的相擁為這趟洗滌心靈之旅劃上圓滿句號。