陳志雲出口術爆MIRROR去叱咤？Edan親回5字揭穿真相 網民陰謀論怒轟一目的

陳志雲爆料MIRROR出席叱咤 ？

男團MIRROR原定於10月已確定缺席今年的叱咤頒獎禮，惟商台首席智囊陳志雲日前出席活動時，說法卻出現轉變。他暗指有成員可能趕抵現場，表示：「如果有心嚟，嚟唔嚟到呢？都係嚟到嘅，澳門嚟香港有幾遠？不過驚太辛苦。」陳志雲更透露，坊間有傳聞指其中一兩位成員或能趕及赴會，雖然他強調自己亦不確定最終安排，但仍補上一句：「其實我都唔知佢哋會唔會嚟。叱咤係成個樂壇嘅事，如果佢哋真係唔得閒嚟，大家都會擁護呢件事。」

呂爵安Edan回應：冇收到通知

針對陳志雲的說法，MIRROR成員Edan（呂爵安）作出回應指，以 「冇收到通知」 五字直指真相。Edan解釋，「31號同1號都係喺澳門表演，表演都去到夜晚，所以我都唔知道時間上做唔做到呢件事」。他明確表示：「我自己就未有通知需要出席，同埋我哋 31 號同 1 號都係團嘅表演，我冇收到呢個資訊。」以此預示今年出席叱咤的機會偏低。

+2

點擊圖片放大

粉絲怒轟「出口術」質疑藉機谷飛

陳志雲的爆料竟意外引起粉絲不滿，激起不少「鏡粉」在社交平台發聲反擊。有粉絲質疑相關言論僅是為了提升頒獎禮熱度或「谷飛」，認為兩地同步開Show在時間上根本不切實際，直斥：「邊有可能呀...大家都係7:00開 show，去到都散晒場啦」、「出口術，真心好核突」。不過，亦有部分網民抱持不同意見，認為若最終真有成員能現身，定能讓這場樂壇盛事更加熱鬧。