193發火隔空寸爆COLLAR粉絲掀罵戰緋聞女主角Candy兩度上水滅火凌晨4點急拆彈

文: 鄭惠文

3小時前

現年22歲的 COLLAR 成員 Candy（王家晴），早前被傳媒拍到疑似與同門師兄、ERROR 成員193（郭嘉駿）甜蜜約會，疑似暗撻的緋聞傳得沸沸揚揚。雖然雙方已澄清僅為好友，但193隨後在訪問中多次拿緋聞開玩笑的舉動，卻意外惹火部分COLLAR粉絲，更引發網上掀起一連串罵戰。

193因緋聞受騷擾

ERROR成員193郭嘉駿早前與COLLAR成員Candy王家晴傳出緋聞，二人後來都分別澄清只是好友。而193亦曾多次在訪問中，以緋聞開玩笑，不過竟意外引起部份粉絲不滿，更有人因為私訊騷擾193。向來性格剛直的193日前在Threads忍無可忍地發文串爆「毒粉」。他強調雙方本是好友，訪問內容多為無傷大雅的玩笑，且女方訪問時亦有提及他，不解為何反被粉絲針對。

發文串爆毒粉網上掀罵戰

193在文中更直接點名質問：「我見佢哋訪問都有提及我，我訪問提及返佢哋，而我哋本身係朋友，大家都覺得冇問題，訪問好多時都係講笑，無傷大雅㗎嘛，但係某啲毒粉覺得有問題而jer住我，令我覺得有啲困擾。我比較少留意，所以想問吓領粉，以後係唔係所有藝人都唔可以提及Collar㗎？」

點擊圖片放大

矛頭直指COLLAR粉絲

193最後更語帶諷刺表示，若屬實會代為通知其他藝人及記者，以免產生不必要的爭議。此舉隨即點燃兩派粉絲戰火，有網民指責193應主動避嫌且不應以偏概全，「以偏概全拉話所有領粉係毒粉」、「本身就唔應該係咁提」，但亦有人支持他是正常宣傳與社交。

Candy兩次上水安撫粉絲

眼見罵戰愈演愈烈，Candy兩度現身官方Telegra 群組安撫粉絲，試圖平息眾怒：「知道大家呢兩日好有火，但大家唔好嬲。我想見到你哋和和平平，開開心心咁留意COLLAR動向，其他嘢就唔好繼續討論，愛你們。」

直至凌晨4時，Candy 再次「上水」披露內情，為193澄清。她坦言：「事件起源係關於『緋聞』，其實雜誌封面出嗰陣3爺已經有問過我開緋聞玩笑問我介唔介意，我覺得幾fun同埋平時ERROR訪問講嘢都係搞搞笑笑咁，所以我就話OK唔介意呀，所以我事前係知道佢會講笑咁玩嘅。大家唔使擔心我會有咩hard feeling，大家本身都係朋友，同埋都玩得，都唔介意大家訪問互提。」