尋秦記電影｜古天樂當眾扯火寸爆TVB記者「好奇怪」 不滿被問「騎呢問題」：你答咪得囉！

宣傳《尋秦記》被問「期不期待」

古天樂、林峯、苗僑偉三人一同接受訪問時，TVB娛樂新聞記者潘盈慧就提問指電影版籌備多年終於面世，詢問三位的心情「有幾咁期待」。

三哥苗僑偉率先回應「好期待呀，期待咗六年，拍都拍完咗六年，咁終於可以同觀眾見面，大家都好興奮！我相信觀眾亦都好期待」；隨後古天樂亦簡短回答：「我梗係期待啦下話。」

古天樂當眾寸爆TVB記者：「好奇怪喎」

之後，當林峯準備接話時，他突然愣了一愣，才回過神來回答：「好期待因為始終我哋都拍完...」而同時古天樂突然火起，插嘴一句寸爆TVB娛樂新聞記者潘盈慧：「好奇怪喎呢個問題！點解會問返個演員期唔期待個部戲上映，要問，問觀眾！」現場氣氛瞬間凝固，場面極度尷尬。

補刀直接開嗆：「你答咪得囉」

經驗豐富的潘盈慧隨即執生，試圖圓場表示：「我哋好期待呀！」不料古天樂並未就此罷休，隨即再補一刀，語帶譏諷地回嗆：「咁咪係囉，你答咪得囉，咁得意嘅喂！唔明喎真係！」雖然潘盈慧隨後解釋是想了解演員的個人感受，古天樂才收起火氣冷回一聲「哦～」，但長達40秒的尷尬僵局已令全場屏息。

最後，潘盈慧迅速將話題轉向三哥苗僑偉的角色細節，才成功終止這場尷尬的「寸爆訪問」。