尋秦記｜重溫12句經典搞笑對白！古天樂串宣萱「正八婆」網民最深刻
萬眾期待《尋秦記》電影版終於在2025年12月31日除夕正式上映，電影上映後反應熱烈，更有不少觀眾表示要即刻重溫返TVB電視劇版本。當年電視劇最成功原因之一是，古天樂在劇本上增添了不少搞笑橋段，他早年曾受訪表示好多部分更是即興加上去，透過與其他演員的合作，令劇本變得生動有趣，這部劇亦是他最喜歡的作品之一。以下是網民最喜歡的搞笑對白，一齊來重溫一下！
尋秦記｜網民最深刻12個經典搞笑橋段
1. 「你咁鍾意放蛇，唔好去做差婆？」
項少龍在沖涼時，烏廷芳用真蛇去嚇佢，項少龍最後竟捉起條蛇當皮帶玩，更鬧句：「你咁鍾意放蛇，唔好去做差婆」，用現代「放蛇」一詞鬧古代女將，語氣非常地道兼貼地。
2. 「鹹蛋超人你見過未呀？」
項少龍以人工呼吸救醒烏廷芳，被鬧「淫賊」，佢竟然反問「鹹蛋超人你見過未呀？」完全係現代小朋友語境，落喺戰國人耳中極度錯配。
3. 「時光雞」VS 「時光機」
佢向善柔解釋自己由「時光機」穿越而來，善柔卻聽成「時光雞」，兩人雞同鴨講，一聽就知係用語誤會製造笑位。
4. 「你可唔可以唔好擺晒甫士」
面對成日擺甫士、轉身用背脊同人講嘢嘅陶總管，少龍頂唔順爆句：「你可唔可以唔好擺晒甫士，用背脊對住我講嘢？」將觀眾心聲講晒出嚟。
5. 「佢讚緊你啊，八婆」
項少龍準備出發去賞花大會，問了一句：「賞花大會洗唔洗買啲咩咁呀？」烏廷芳就揶揄他一句：「買定棺木吖，小心做咗花下亡魂啊」，項少龍就鬧她一句：「你真係正八婆，咁鬼多嘢講。」陶總管就思考了「八婆」的意思：「項兄家鄉嘅意思會唔會＂正八婆＂即係美女，美女就即係＂正八婆＂咁解呢？」將現代鬧人用語硬拗成新解釋，笑點十足。
6. 「我搵到魯公祕錄！好嘢！我搵埋老婆祕錄！」
項少龍脅持巨鹿侯，拿出「魯公祕錄」要他和手下跟著他說：「好嘢！搵到魯公秘錄！嘩好嘢！搵埋老婆秘錄」，將武學祕笈變成笑料。
7.「我都係自己搞掂自己」
項少龍第一次見雅夫人講自己劍術時，講出「我都係自己搞掂自己」，將認真武學講成黃色冷笑話。雅夫人好奇項少龍如此功夫了得之前是為誰人謀事，項少龍竟如實回答：「無啊，之前咪喺香港特區政府做嘢囉。」雅夫人聽到滿頭問號，項少龍就解釋即是自己家鄉，爆笑十足！
.
8. 「呢度啲臨時演員咁平嘅？」
趙盤安排人脅持少龍，想逼佢食糞便，佢即刻戳破一班嘍囉係「臨記」，用拍劇術語諷刺假綁架場面太爛。
9. 「刀叉呢種進食方法，係西方國家先會用」
劇中少龍講解刀叉「西方先用」，將現代餐桌禮儀強行塞進戰國時空，製造時代錯配感。
10. 「TVB 個 B 呀，B 仔個仔呀」
少龍把當年遊戲節目《獎門人》的「TVB 個 B」笑位帶入戰國，連電視台縮寫都拎嚟玩。
11.「係BBQ，唔係"BB"Q！」
劇中被指係 TVB 「BBQ 結局」始祖之一，少龍糾正 BBQ 發音，將現代燒烤文化植入古裝劇。
12. 「馬沙廚？咩馬嚟㗎？」
少龍形容烏堡主的馬有「Massage，嘆過神戶啲牛」，古人聽到「馬沙廚」完全滿頭問號。
資料及圖片來源：TVB
港生活人氣娛樂新聞
請您免費去‼️年度品牌開倉節2026🛍️
400+展位集購物/娛樂/親子體驗
↓登記免費去VR體驗館🎮↓
同朋友組隊！沉浸式體驗《星際危機》
假日好去處