尋秦記｜古天樂大力篤心口NG片真相曝光 宣萱忍足20年勁委屈：「佢冇當我女人」

妙談當年「篤到狂笑」NG爆紅片

節目中，古仔和宣萱大方談及了劇集《尋秦記》廣傳至今的網紅NG片，談到其中一條古仔因大力篤宣萱心口、篤到宣萱忍不住爆笑的NG片時，宣萱時隔多年依然覺得搞笑又委屈：「我睇親都笑，我估我睇三十、甚至一百次都會笑」、「佢冇當我女人咯，總之係…可能對佢嚟講（力度）四架啫，但對我嚟講已經係七、八架喇。」

古仔爆宣萱愛說話：佢平時一定會同我講嘢

古仔聞言只能回應：「篤本身唔大力唔係叫做篤嘅，叫做撩！」隨即應區永權要求即場示範向宣萱「撩穴」，宣萱見狀即靈活閃避：「唔好撩我！」玩了一大輪，古仔才正式為當年力度過猛解畫，期間他除會大爆宣萱「唔記得對白瘀事」，還笑言宣萱一分鐘都不能停下嘴巴。

+2

點擊圖片放大

+2

點擊圖片放大

宣萱「搞笑扁嘴樣」無聲抗議

古仔爆宣萱愛說話：「你叫佢現場唔講嘢一分鐘係冇可能嘅事嚟，呢個係真事。」、「佢平時一定會同我講嘢架，除咗我病嗰日我先唔應佢架咋。」面對古仔連環強攻，宣萱一度使出「搞笑扁嘴樣」無聲抗議，豈料古仔照辦煮碗扁嘴「反擊」。