尋秦記電影丨項寶兒是誰？古天樂親揭名字由來其實係食字！原本構思「呢個名」更核突

林峯拍電影版《尋秦記》大嘆感動

談到即將上演的新戲《尋秦記》，林峯坦言感動：「好感動架成件事，你首先唔會諗到自己二十幾年前拍嘅角色，喺二十幾年之後仲有機會重演先啦，仲要係原班人馬。我同李斯，即係（陳）國邦，當年嘅（對手）戲係比較多嘅，而我都好多年冇同國邦一齊演過戲，嗰個感覺係真係返晒嚟。」

古天樂為劇中兒子「寶兒」英文名解畫

至於新加入團隊的朱鑑然，則指感覺很夢幻：「感覺興奮呀，以前係睇電視（見到），嗰刻係突然全部喺同一個空間，我覺得好神奇呢件事。」

古仔還大爆劇中兒子項羽乳名「寶兒」的由來：「本來想叫佢羽頭（靈感來自妹頭、蝦頭等），但核突呀嘛，諗吓諗吓，佢係我寶貝仔不如叫寶兒啦！」、「仲有英文名架，叫David，因為David Bowie吖嘛。」

感激滕麗名配合

古仔坦言要齊集昔日原班人馬絕對有難度，並感激滕麗名的配合：「因為套戲唔係喺香港拍，真係要一段時間嘅，阿滕嗰時拍緊處境劇架嘛，度期係有啲困難，但佢都好幫手。」

親解電影版事隔多年上映原因

古仔續指其實當年《尋秦記》播畢不久已有電影版構思，等了這麼多年才正式上映，是因為想參與藝人帶出不一樣的感覺：「嗰時諗法係不如等十零年後再聚番埋一齊啦。你問我可以聚得番埋一齊都係緣份同運氣，好難得。第二件事，就係睇吓大家成熟咗之後，外型或者性格、表現各方面嘅唔同。」