保錡司儀表現失禮捱轟！經理人護航竟惹怒193不滿被屈 一句驚爆ERROR內訌

保錡訪問孝淵被指表現失禮

事緣當晚保錡與阿 Dee（何啟華）擔任大會司儀，期間保錡以「港式英文」訪問韓星少女時代成員孝淵，又在叫老闆古天樂簽名時，將對方英文名簡寫為粗口諧音 「PK」。雖然原意是搞氣氛，不過效果卻令不少網民感到尷尬，狠批他表現失禮、不尊重嘉賓。眼見保錡惹來負評，ERROR經理人濟哥隨即發文力撐，透露保錡其實是「臨危受命」。他暗指原定司儀無暇出席，保錡在兩日前才被通知頂替上陣：「知道要幫手我同佢講都即刻肯嚟頂。」試圖以「義氣」為保錡解畫。

引起粉絲罵戰

濟哥的「護航文」一出，隨即引發保錡粉絲對疑似是193臨時缺席的不滿，引起雙方粉絲罵戰。此舉令193憤而反擊，親自在社交平台留言澄清，更直指經理人誠信有問題：「首先係請大家千祈唔好盡信我經理人講嘅嘢；二，唔知你點樣聽返嚟係兩日？我肯定就最少有六日。又，點解係無暇出席？邊個講㗎？同埋其實係可以唔需要人頂替嘅。」193認為經理人不應亂發言誤導大眾，令他無辜「食死貓」。

193直指經理人不可信

對於193質問，濟哥再發文解釋：「我講清楚係，我冇話193兩日前通知呀。係話兩日前叫保錡頂咋。」不過193似乎不接受此解釋，當有網民問及「經理人究竟有冇經你？」時，193竟爆出一句耐人尋味的回覆：「如果有嘅話，ERROR應該可以行得更遠。」此外，有人留言建議ERROR換經理人，193亦驚爆透露：「依家開始有新經理人幫手，不過交接期，展望將來啦。」 言語間暗示與濟哥合作關係生變，ERROR內部似乎正面臨重大變動。