Threads瘋傳12大最冇禮貌藝人名單！鄧麗欣、阿Sa、姜濤都被點名？網民數臭呢一位公然爆粗
近日有網民在Threads平台以「不如講吓你遇過最無禮貌嘅藝人嘅經歷」為題發帖討論，引來不少人留言分享自己親身經歷，當中許多意想不到的知名藝人都被網民「點名」，就連在叱咤2025頒獎典禮上榮獲「我最喜愛的女歌手」的鄧麗欣都上榜，引起網民熱烈討論。
Threads瘋傳冇禮貌藝人名單｜岑珈其
有網民透露自己在疫情時遇到岑珈其一家，當時岑珈其的大仔在街上跑來跑去，一度撞到其媽媽，但岑珈其不但沒有道歉，更不屑地「睥住」爆料者說「挑！」，在聽到爆料者怒言「挑乜Ｘ嘢？」，岑珈其老婆雖然道歉，但仍望著手機，最後和岑珈其一同離開。
原文：
「岑珈琪 好似係疫情嗰陣事 佢一家人(未有第二胎) 佢小朋友亂跑撞到我媽媽 撞完當無事發生繼續跑 兩公婆喺後面 老婆掛住撳電話 一句都sorry都無 岑生睥住我 淨係講咗句[挑] (同平時睇綜藝會見到佢個副X嘴臉一樣) 我同佢講[挑乜X嘢?] 佢老婆先講咗句sorry (對眼仍然係望住電話) 就拖咗岑生走」。
Threads瘋傳冇禮貌藝人名單｜容祖兒、阿Sa、關智斌
容祖兒、蔡卓妍（阿Sa）和關智斌三人亦一同上榜，有網民指自己和朋友在酒吧遇到三人，當時自己只是在和朋友討論是否本人，三人就突然要求保鑣檢查自己和朋友有沒有偷拍，檢查後三人更要求爆料者和朋友調枱，令該名網民對三人的印象大扣分。
原文：
「容祖兒 阿Sa 關智斌係KL市郊較辟嘅酒吧見到呢三條友坐係隔離枱，同行嘅馬來西亞朋友見到就話『咦果個係咪容祖兒&阿Sa？』，我哋只係自己討論完全冇諗過要騷擾佢哋 or 做啲咩，上述三人唔知係望到定聽到我哋討論佢哋定點，所以就即刻叫咗佢哋旁邊有個大舊佬類似老蘭bouncer咁嘅人走過嚟我哋張枱，叫我哋拎個電話出嚟比佢哋check吓有冇偷拍，之後叫我哋唔好坐喺度，叫我哋坐遠幾張枱😦XXXX勁X惡」。
Threads瘋傳冇禮貌藝人名單｜鄧麗欣
在叱咤2025頒獎典禮上榮獲「我最喜愛的女歌手」的鄧麗欣也遭爆料，有網民指當時鄧麗欣還和方力申一起時，兩人經常一同健身，即使方力申每天向櫃台職員微笑問好，但鄧麗欣都從不理會櫃台職員，臉上更經常帶著不悅的神情。
另有網民再表示，當年鄧麗欣還在Cookies時期，出活動時聽到粉絲要求合照時，不單做出嫌棄表情，更「扮聽唔到」故意不看粉絲。當見到記者在身旁時，才變面假笑詢問粉絲要不要合照。
原文：
「今年個我最喜愛女歌手當年佢仲係同万刀甲同居個陣，成日一齊落會所gym room。万刀甲每天都會同reception staff say hello 或者點頭。但個位女歌手係會所同事同佢講早晨都唔會睬人，次次都西口西面。」。
「仲係Cookies時期，唔記得係咩嘅戶外event。個時啲歌手都會行埋去fans區簽名影相傾計，咁佢啲fans係咁叫佢過嚟影相，佢個眼神表情係勁厭惡嫌棄😒，扮聽唔到望都唔望啲fans，之後見到啲記者行緊埋嚟時，佢即刻180度變面扮nice咁假笑😊問啲fans係咪想影相呀。個次之後對佢好反感，呢幾年啲人成日話佢好真好nice，最近仲拎最喜愛🙄」
Threads瘋傳冇禮貌藝人名單｜陳敏之
有網民指自己曾在機場免稅店工作，當時公司有售陳敏之的曲奇餅，有日陳敏之突然到店內檢查貨品擺位，態度惡劣地質問事主「點解無跟住個floor plan執位」，在事主表示公司沒有收到通知後，陳敏之就開始發脾氣，連助手也痛罵一頓，後來更表示和古天樂是相熟，態度囂張地要求將貨品擺好。
原文︰
「本人大約幾年前係機場免稅品做野，公司有賣佢嘅貨(曲奇餅)。有一日我返夜，遠處已經見佢行緊過黎，入左黎想睇吓佢啲貨擺成點，點知佢一行埋黎就問我點解無跟著佢個floor plan執位，態度勁差，我話我地公司無收到通知，之後佢開始發癲，中途佢助手想去洗手間都比佢鬧左一大餐，後尾佢仲搬埋古sir出黎(古sir啲貨正正擺係佢隔離)，話同佢好熟、好朋友，叫我地擺好啲態度勁囂張，自個次之後我就勁憎佢🙂」。
Threads瘋傳冇禮貌藝人名單｜黃宗澤、姜濤、黃浩然
有曾擔任幕後工作人員的網民一次過爆料黃宗澤、姜濤和黃浩然，指黃宗澤從不會和幕後人員打招呼，並會因多次NG而不悅；姜濤不但會說粗言穢語，而且對幕後員工態度惡劣，曾一度呼喝工作人員；黃浩然則無視臨時演員，架子非常大。
原文︰
「黃宗澤，幕後做嘢接觸，拍攝時自己ng做錯，導演客氣要求黎多次就西面，出入唔會同幕後打招呼，監製大粒嘢除外； 肥姜，現場講粗口，對待幕後態度和黃差不多，見過佢呼喝工作人員，似乎情緒有問題； 黃浩然，見過現場臨記同佢打招呼，佢當人地狗。」
Threads瘋傳冇禮貌藝人名單｜朱敏瀚
朱敏瀚亦被網民點名，該名網民表示曾和朱敏瀚居住在同一棟大廈，當時男朋友和朱敏瀚乘搭同一架𨋢，本來男友只是在朱敏瀚對面玩手機，突然被朱敏瀚大喝質疑對方偷拍，要求對方收起手機，男友對此非常無奈，後來才知道對方是明星朱敏瀚。
原文︰
「以前一齊住同一棟大廈，搭𨋢嗰陣會見到。有次當時嘅男朋友同佢同𨋢，企佢對面自己玩電話，之後佢就好大聲喝我ex: 你做咩影我？(但明明當四（時）個男朋友根本唔識佢係邊個，就問返佢點解要影佢相)之後佢仲好X惡咁叫我ex收埋部電話，鬼識你咩師兄直到ex上到我屋企問我邊個藝人住嗰層，佢先知原來條友係tvb「大明星」朱敏瀚」
Threads瘋傳冇禮貌藝人名單｜鍾柔美
一名自稱鍾柔美前粉絲的網民透露，Yumi在面對小朋友粉絲時會表現極為熱情，不過，當面對年長的「姨姨」或「婆婆」級粉絲時，Yumi的態度隨即變得冷淡敷衍，僅以單字「哦」、「嗯」回應，有長者粉絲嘗試多聊幾句時，Yumi竟一度按捺不住當眾「反白眼」，令該網民深感其態度「不可一世」。
原文︰
「我並唔係因為佢近期嘅新聞先至覺得佢冇禮貌/串，而係我曾經係佢嘅fans，因為佢嗰啲不可一世嘅態度而脫粉。2022年嘅時候我去咗Fans Club搞嘅生日會，諗住開開心心睇偶像，但去到好尾有一個環節係大家排隊同佢影相+比佢簽名，佢對唔同人嘅態度係有唔同分別囉，即係見到小朋友，佢就會係咁喺度話「好得意啊」跟住又喺度抱起嗰個小朋友，但係見到一啲姨姨甚至婆婆，佢就一直喺度「哦」、「嗯」，人哋同佢講多兩句佢就忍唔住反白眼由嗰陣開始我就脫粉。佢嗰種串係好自然就感覺得到，所以最近見到啲新聞都唔意外」
Threads瘋傳冇禮貌藝人名單｜林子善
林子善也遭到網民點名，該名網民指自己曾到林子善和朋友一同創立的冰室吃下午茶，不過味道未如理想，便客氣地向林子善反映「林生，個米粉無乜味喎」，怎料林子善竟回覆「係咁架啦 唔岩食咪下次唔好嚟囉」，因此對他印象大減。
原文︰
「林子善 佢之前同人夾左間龍鳳冰室 嗌左個茶餐 無味 揮手嗌佢埋嚟 客氣同佢講： 林生 個米粉無乜味喎 佢話： 係咁架啦 唔岩食咪下次唔好嚟囉Ok 最後間野執左 唔意外」
林子善其後親自回覆網民，表明自己待人有禮，且會聆聽客人的需要，認為該名網民是無理的指控，「我從來唔會對客人咁冇禮貌！遇到呢啲情況我通常，會同客人講聲唔好意思，我幫你cut咗佢，需唔需要換過第二啲食物，從來我唔會解釋咁多，用禮貌嘅態度，聆聽客人嘅需要，用最快嘅速度安排返，因為我淨係知道一樣嘢，顧客食得開心佢會返嚟，食得唔開心，你唔收佢錢佢都唔會再返，所以我一向對客人，應對禮貌安排細心效率快，所以我一睇必定唔係我處事嘅方式，以前有啲客話我杯奶茶唔夠熱，我都唔解釋咁多，直接車走，換過杯新嘅俾佢！但佢冇自己諗過自己坐咗成10幾分鐘喺度玩電話，但我哋都唔會得失客人，一杯奶茶幾多錢？但一個客人係好寶貴，每一個客人係自己用心去儲返嚟，從小到大我都明白呢個道理！我唔係話要解釋啲乜嘢而係，有錯我一定會認，但呢啲無理指控我真係接受唔到，因為我從來唔係啲咁嘅人」。
來源︰Threads
港生活人氣娛樂新聞
【出POST即賺💰】立即解鎖流量密碼🔓！
↓立即參加！賺取無上限現金賞💰↓
↓【限時搶⚡】laCOOL膠原彈潤抗皺精華液↓
↓提升肌膚彈性、光澤感｜保持嘭彈細嫩狀態↓
假日好去處