30歲由加薪3成變失業！港男因「1態度」被炒+炒股輸60萬：一手好牌打爛晒

文: 溫藹紅

15小時前

30歲是人生的分水嶺，本應是事業搏殺期，但一著不慎隨時由勝利組跌落谷底。近日一名剛考獲專業資格的30歲工程師在網上發文，指自己因心態膨脹遭解僱，原想靠炒股翻身卻慘輸60萬，如今失業4個月積蓄快將見底，更面臨女友逼婚買樓，崩潰直言「一手牌打錯曬」般，引來網民熱議。

失業潮｜曾是人生贏家：加薪30%兼考到牌

樓主在連登討論區以「30歲先失業，錢又冇幾多剩」為題發文。他透露自己今年4月轉工，人工加幅達30%，雖然工作範疇非自己專業，但收入不錯，「諗住靠努力挨過日日比人X（鬧）嘅階段」。到了6至7月，工作上沒有太大起色，但同期他在股票市場略有斬獲，加上9月自己成功考獲工程師專業牌照（CEng，Chartered Engineer），人生看似順風順水。

自稱「心態膨脹」種禍根：Hea做被炒變雙失

他坦言當時覺得：「比心機每日都OT，反而因為失眠唔夠訓，工作能力再跌，咁岩股票搵到少少錢，開始覺得份工越黎越困身冇心機做」。然而，隨著炒股獲利及考牌順境，令樓主心態開始膨脹，認為「此處不留人，自有留人處，有錢係手又有牌諗住冇死」。於是他工作態度轉趨散漫（Hea 做），結果在9月底被公司解僱。當時他仍不以為然，打算休息一陣再搵工。

點擊圖片放大

炒股「追數」慘敗：Profit蒸發60%

然而失業期間，樓主卻犯了理財大忌。他試圖透過全職炒股「搵多少少錢」，結果因為缺乏技術（做T）兼心急想追數，不斷Day Trade反而損手。他形容：「一路T（Trade）一路蝕，回過神來已經冇左接近60萬（利潤）。」目前股票Profit已大幅減少60%，更令人擔憂的是，原本「預咗10萬蚊用半年」，現僅餘2個月開支，令他極度恐慌（Panic）。

點擊圖片放大

市道差求職碰壁女友家人再施壓

禍不單行，樓主失業4個月仍未找到工作。他慨嘆工程界市道低迷：「真係睇唔到呢兩個月會搵到工嘅希望。」加上他雖然持有專業牌照，但經驗尚淺（5年經驗），開價$40,000卻無人問津。此時，女友家人更開始催婚，暗示要他拿錢買樓，令他壓力臨近爆煲，不禁留言問：「點面對自己發覺一手牌打錯曬既感覺？」

網民建議暫時放下身段：去揸的士、送外賣先

帖文引來大量網民熱議，不少人認為樓主是「自視過高」惹的禍。有網民直指：「做人未財自前，都唔可以膨漲」、「未夠半年又話考到牌又Hea做，你咁嘅工作態度去邊都死」。亦有人建議他暫時放下身段：「馬死落地行，去揸的士/送外賣先，好過坐食山崩」、「30歲好後生，慢慢黎過啦」，亦有網民認為情況未算最差，不妨樂觀面對，「冇事既，真係冇錢洗咪做左外賣仔先囉....人生難得空閒，珍惜下啦，冇話生活唔到嘅」。