艾威被批太快走出喪妻陰霾捱轟「無情」 罕有反擊網民：要我傷痛幾耐先有權開心

喪妻難釋懷：同傷痛共存

憶及去年網上呼籲捐肝為救愛妻，艾威坦承見證人間有情，另外，他亦感謝周潤發來病房探望病危的太太，「係非常難得，發哥係Lisa嘅偶像，當時我同三哥(苗僑偉)工作，佢上晝搵發哥，發哥下畫已經嚟探Lisa」

無奈Lisa等不及換肝，因感染於5月18日離世，問艾威至今何時走出傷痛，他說：「無諗走出，只可以同傷痛共存，但我好快要迫自己改思維方式，因為我唔可以繼續沉溺，有好多問題要面對。」

艾威走出喪妻陰霾卻被批無情

不過，重新振作走出傷痛，並分享於食店幫忙招呼客人的片段，竟令艾威飽受網友批評，「我將呢啲開心片段放出嚟，就有啲人好得閒攻擊我，當然我無去回應，但就覺得好奇怪，發生唔開心嘅事，究竟要保持負面情緒幾耐？好無情地講，屋企人死咗，你要我傷痛幾耐？先至有權開心？邊個做準則？」

作為喪親過來人，艾威說：「一定要開心返，因為走咗嘅屋企人，亦都希望你開心嘛！你無資格批評我，因為我要用開心嘅心情，解決我以後面對嘅問題。」

曾傾家蕩產為太太治療子宮肌瘤

艾威91年邂逅Lisa，交往11年後於02年結婚，不過，2020年艾威宣布離婚，震撼整個娛樂圈，事關之前二人生死相許，男方曾傾家蕩產為Lisa治療子宮肌瘤。問艾威2023年偕Lisa參與內地真人騷《再見愛人2》，出發點是否為了復合，他說：「復合真係因為呢個節目，但之前無任何期望，只係想有新啟發畀我哋。」

被太太感動：命都唔要想同我復合！

拍攝18日要一對分開夫妻做不同的挑戰，促使艾威感受到Lisa的愛，「有一日要爬山要綁繩，當時佢『多囊腎』、『多囊肝』個肚已經好脹綁唔到繩，佢點都要做到，就好似命都唔要嚟拍呢個節目，佢係連命都唔要想同我復合，係好感動。」

淚崩憶述答應不離婚

憶述答應太太不離婚那一天，艾威再度淚崩，流下男兒淚，「當日拍我哋去海拔高地方，佢高山症發燒……已經有車準備送佢去醫院，我心諗我應承佢唔離婚，佢一定會好返。果然…..我同佢講：『你唔好諗咁多，我哋唔離婚啦。』佢竟然即刻退燒，好神奇，即刻好返晒咁滯。做咗呢個決定後，我就同自己講，唔可以再提離婚。」艾威邊講邊哭，證明他至今仍深愛 Lisa。