港人用一條算式質疑讀大學必要性！不讀大學反而更快發達？網友反駁：冇學歷冇得揀

讀大學會賺少50萬？樓主：攞去投資好過

該名港人在Dcard以「讀大學可能唔值」為題發文，指出即使入讀本港八大，四年學費已接近18萬至20萬元，加上交通及生活雜費，總成本約25萬元。相比之下，若選擇不讀大學、即時投身社會，假設月薪1.5萬元、四年不加薪，月儲$5,000至$10,000，四年下來儲蓄已累積24萬至48萬元。

+6

+5

點擊圖片放大

樓主將兩者相加，計算出讀大學的「機會成本」：

最低：25萬+24萬≈50萬

最高：25萬+48萬≈73萬

隨後樓主更將兩者相加，計算出不讀大學的「機會成本」介乎50萬至73萬元，他認為這筆錢若用作投資，5至10年內的回報或已超越大學學位。樓主進一步指出，對非專業學位而言，大學回報或要10年後才逐漸浮現，相比之下，不讀大學能提早累積財富，更直言：「人生有幾多個十年？越早有錢，係好過之後先發達」。

【原帖文】

無學歷都可以月入3萬起？支持派現身說法

帖文引來大量網民關注，留言兩極。有網民力撐樓主觀點，認為可以透過AI自學，而且現在有不少體力工種的起薪點已與大學畢業生看齊，並留言分享自身例子。有網民表示兩年前DSE畢業後投考警隊，現時月入已逾3萬元，並成功儲下30至40萬元；亦有人指送快遞月入可達4萬元，旺季更有機會衝上10萬元。

即睇支持派留言

• 兩年前DSE畢業，考到HKP之後，依家人工已經三萬幾蚊，仲起碼儲咗300-400k
• 做警察係起薪點3萬，唔係最高3萬，人哋同毅進畢業輕輕鬆鬆高過大學生搵嘅錢
• 男朋友中三畢業而家送快遞，月入4皮，如果多貨上嚟可以上十萬
• 知識唔再係要花時間去學去訓練，連處理都可以AI幫你，比錢比時間比人教你，不如自己同AI學

收入會有上限？反駁派：冇學歷等於冇選擇

但亦有不少人反駁，指出學位真正價值在於中後期的「收成期」，而且高收入的體力工或紀律部隊並非人人適合，體能、工時及風險均高，「冇學歷，你只可以做基層工」、「學歷你就冇得選擇」；而且沒有大學學歷，能選擇的工種有限，長遠收入上限往往停留在2至3萬元，認為學位真正價值在於中後期的「收成期」。

即睇反駁派留言

+5

+4

點擊圖片放大

大學價值在哪？網民咁講...

亦有中立網民指出，「冇人話過讀大學一定值」，認為大學的價值未必能完全量化，提供的不只是學歷，還包括人際網絡、思維訓練及人生探索空間。亦有人補充，若擔心成本，可選擇遙距或較低學費課程，一邊工作一邊進修，平衡金錢與長遠發展。

即睇網民留言

• 冇人話過讀大學一定值，如果你四年大學完全唔認真，咁你讀十年百年你咪又係嘥，反之如果可以利用你喺大學學到嘅知識，咁又點會唔值
• 你有1000萬，點解會介意讀書嘅25萬？
• 條數無計錯，但我有好d的做法，唔讀香港正常大學，揀讀遙距又平的大學，咁樣就可以壓縮讀大學的時間同成本，然後繼續返工

來源：Dcard