熱愛優質生活
首頁   \   港熱話   \   空姐都有份?!世界15個正急速消失的行業

空姐都有份?!世界15個正急速消失的行業

15個正急速消失的行業(圖:businessinsider)
2015.10.20

打工仔最大願望一定係保住飯碗,而且自己所在行業前景樂觀,做多幾年儲錢咁先上樓有望!不過有美國勞工統計局進行了一項統計,發現有15個行業因科技進步而逐漸「被消失」,即刻睇睇有無你份:


1.  印刷工人 , 至2022年下降5%
報紙和雜誌逐漸轉向電子平台,加上網上有海量免費資訊,令紙品印刷數量大幅下滑。

2. 漁民, 至2022年下降5%
小學生都知地球叔叔生病了,搞到近年魚類數量大跌,加上捕魚工具及漁船大改進、養殖場的競爭愈趨激烈及進口海洋食品的因素影響,令漁民慢慢消失。

3. 桌面出版商(Desktop publisher), 至2022年下降5%

即書籍、報紙和其他出版物的排版設計師,又係另一紙媒相關夕陽行業,這行正逐漸被網頁設計師及網絡編輯取代,噢!原來小編唔小心搶咗人哋飯碗…….

4. 金屬或塑料工廠操作員, 至2022年下降6%
技術進步,不少生產商已經轉用自動化,加上國外競爭,搞到唔少工廠都大幅栽員。

5. 保險風險評估員, 至2022年下降6%

業界已採用自動化軟件處理保險申請,對人手評估風險的需求大大下降。

6. 空姐/空少, 至2022年下降7%

15個正急速消失的行業(圖:businessinsider)經濟困景加上工會問題,令航空公司減聘人手。小編覺得這可能只是美國的情況,香港各家航空公司的招聘好像從無間斷過!

7. 發電站操作員, 至2022年下降8%
科技進步同能源利用效率提高,無乜人肯做發電站喇。

8. 花藝設計師, 至2022年下降8%

據說人們對裝飾用花的購買量持續減少,睇黎要一年365日都係情人節先可以打救喇!

9. 伐木工人, 至2022年下降9%

美國的政策限制了該行業培育新林木材料的能力。只係美國嘅情況啦,香港本身的伐木工人已經少之又少!    

10. 珠寶技工, 至2022年下降10%
大多數珠寶生產工作已轉移國外,加上不少步驟均被自動化取代。

11. 旅行社職員, 至2022年下降12%
近年自由行逐漸興起,上網就能輕易取得景點及航班資料,唔使再靠旅行社計劃行程。

12. 記者, 至2022年下降13%
雖然不少新聞工作者都好努力跑新聞,但因網上媒體興起,電視廣播、報紙以及電視廣告等收入大跌,結果對傳統媒體帶來重大衝擊!

13. 農民, 至2022年下降19%
土地價格近年不斷上升,地產商都要收樓重建,經濟學角度佢哋一定覺得發展遠比耕種利潤更高。

14. 半導體處理工人
又係自動化累事,好多行業都唔需要工人喇!。

15. 郵差, 至2022年下降28%
郵差
如果郵差無工開,以後郵差叔叔送信唔再純熟囉?

資料及圖片來源:Businessinsider

內容評分
評語