阮浩棕倪嘉雯中環街頭激吻畫面曝光！兒童節目主持竟突然變情侶？

壁咚咀嘴樣樣齊 超高顏值CP感滿瀉

在短短一分鐘的宣傳片中，阮浩棕及倪嘉雯挑戰了多個高難度「放閃」動作。兩人先後大玩壁咚、錫面珠、咀嘴、愛的抱抱、煙靭鼻貼鼻，還有甜蜜煮飯仔及孖公仔唱情歌。

配以二人超強顏值，倪嘉雯展現出極具女朋友感覺的氣質與迷人笑容，而阮浩棕則大賣情深眼神與公子氣質，畫面唯美，甜度滿瀉。值得留意的是，兩位其實都是兒童節目主持出身，前者是《Think Big天地》元老，後者是《Hands Up》元祖，難怪兩位如此有親和力。

阮浩棕展現紳士風度 讚拍檔主動夠專業

為了令倪嘉雯拍攝時更舒服安心，阮浩棕事前做足溝通，盡顯紳士一面。阮浩棕受訪時大讚女方專業：「始終呢條片係喺冇任何鋪墊嘅情況下就要好甜蜜，所以我都有問佢能夠接受到幾多肢體接觸。」

他透露倪嘉雯非常爽快，更為了效果主動提出：「佢仲好主動話攬一吓，咁先做到導演想要嘅效果。所以我好欣賞佢，好專業。」他希望觀眾看完這條片，都能感受到甜蜜的節日氣氛。

倪嘉雯豁出去勁怕醜 坦言未試過咁親密

對於首次在鏡頭前獻上如此多親密互動，倪嘉雯坦言其實十分害羞。她大讚阮浩棕很照顧她，會事先溝通如何互動令她更舒服。

倪嘉雯表示：「不過真係好怕醜架，我都係第一次喺鏡頭面前做咁多咁親暱嘅舉動，之前最多都係拖吓手、搭吓膊頭。」她笑言有時兩人站好位但未嗌Action時，因為距離太近會感到不好意思，但為了拍出來效果好，唯有豁出去演繹。