黃文標親爆離巢內幕曝光收入唔係主因？女藝員被要求做一事賺外快：侮辱緊成個行業

黃文標爆離巢內幕 竟要女藝員考的士牌賺外快？

黃文標23年來的薪酬也一如其戲份一直被下調，他指：「訓練班出嚟一年120個騷都會爆騷，後期80集劇只係度我拍一、兩場戲，我就生活唔到。由120個騷減到一年60個，最後仲改制要還騷。最差係唔夠生活，我試過兩個戶口加埋都唔夠100蚊，其實係坎坷嘅。」。

黃文標更表示有女藝員向公司反映希望能接多點工作，以維持生活，但竟被要求考的士牌賺外快，「唔好講我，有個女藝員向公司反映唔夠生活想加啲，嗰個同事叫佢不如考返個的士牌，學某男同事咁賺外快。嗰個係女藝員嚟，咁大間公司叫個Artist考的士牌，根本講唔通，唔單止侮辱嗰個演員，係侮辱緊成個行業。」。

心淡離巢轉投王維基 失業兩年女友終離他而去

黃文標後來心淡離巢轉投王維基，奈何HKTV未獲發牌，令他於2016年開始失業「試過兩年遊手好閒，洗晒啲積蓄。」，標哥指當時找不到其他工作因沒老闆肯聘請他，最後他先後於朋友的海鮮檔任職司機送魚，以及近年於裝修公司任除甲醛師傅，但他強調這全是兼職，一有戲拍就回到演員本業，從未考慮轉行。

標哥表示不介意被人稱為綠葉王或耶穌，他唯一介意叫他三個字：「你叫唔出我個名，叫我角色名或耶穌都無問題，我好憎人叫我茄哩啡三個字。首先你理唔理解茄哩啡點解？我唔係無對白嘅臨時演員，所以你叫我呢三個字，感覺係侮辱。」

黃文標坦承五年前拍拖多年的女友離他而去，經濟亦是主要因素之一，「同女朋友分開都好多原因，經濟係其一，佢家庭亦有壓力，但我唔想再講太多。一定Hurt，打擊亦好大。」，黃文標哽咽人生遺憾是無法為亡母圓夢「因為媽咪生前經常提住一樣嘢：『睇到你拉埋天窗我就無憾啦。』成日想飲我杯新抱茶，但最終唔可以圓佢嘅夢。」。