他和她@黃大仙｜葉念琛微電影情人節首映禮 前港姐冠軍倪樂琳首任女主角

葉念琛《他和她@黃大仙》微電影

在分享環節中，導演葉念琛與女主角倪樂琳大談拍攝點滴。葉念琛首先回應拍攝的難忘經歷，他直言最難忘是收到邀請嘅一刻，說：「好多謝民政事務處同有關機構嘅協助，令我哋可以去到港鐵站內、黃大仙祠、活水公園等地方拍攝。呢啲協助令我可以拍到好想拍嘅內容，係平時商業製作好難得到嘅幫助。」

他亦提到與新演員倪樂琳和香港壁球運動員何家晞的合作，感受到朝氣與潛力，為拍攝團隊注入不少活力。

前港姐冠軍倪樂琳首任女主角

倪樂琳則在拍攝中感受到黃大仙的旅遊魅力，說：「在黃大仙祠拍攝時，見到好多內地同海外遊客會慕名而來，而彩虹邨亦都係自己讀書時會打卡嘅地方，拍攝當日好意外見到好多韓國人去打卡。除咗啱啱提到嘅景點，更有活水公園、鳳德公園等好靚嘅地方，證明黃大仙有傳統嘅一面，亦有活力動感一面。」

而微電影中男主角何家晞Samuel因腳傷未能親赴現場，但非常有心拍片與大家分享拍攝時的趣事及感想，還約定大家待他傷癒後黃大仙區再見。

葉念琛回顧成長地

被問到與黃大仙的特別經歷，葉念琛笑言自己是不折不扣的街坊，說：「其實我喺黃大仙讀中學，細個嘅時候都住慈雲山，所以對呢區嘅景點同地方都好有感情。」他希望透過這部短片，讓大家認識黃大仙區不只有黃大仙祠，還有許多值得遊玩和品嚐美食的好去處，推廣這個他曾生活過的地方。

祝願電影人寒冬中尋新機遇

而葉念琛被問及如何應對電影業寒冬。他分享近年的事業轉變，包括參與舞台劇、開設個人頻道及擔任主持等。他強調：「雖然行業可能面對寒冬或低潮，但我唔會俾自己停落嚟。葉念琛好願意嘗試未做過嘅崗位同工作，希望有多啲唔同發展，亦都可以帶嚟多啲就業機會，多啲人有工開，呢個係我一路以來嘅宗旨。」