韓國水光針｜何依婷直擊史上最痛醫美！手打麗珠蘭黑盒被指痛過生仔

赴韓直擊極限醫美 挑戰最痛針劑

主持何依婷（Regina）帶住43歲《中年好聲音》參賽者呂卓欣（Ada）實測水光針醫美，據稱有修復及令皮膚再生功能，她說︰「水光針有一款名為『麗珠蘭』，都係由三文魚中提取成份，成效有幾大就未知，但係肯定嘅係堅痛。『麗珠蘭』堪稱史上最痛醫美針劑，其中黑盒係痛過生仔。」

挑戰史上最痛醫美項目 韓版彭于晏親自操刀 

Ada事前表現出忐忑不安，半開玩笑表示過程中可能會叫救命及流眼淚。今趟靚仔院長「韓版彭于晏」再度出場，為Ada主理整個注射過程。Regina觀看整個過程進行亦非常緊張，她補充說︰「聽聞『麗珠蘭』分手打同機打，手打係最痛，今次揀咗手打加黑盒。」

《中年》Ada回春密會「韓版林宥嘉」

Ada接受過一輪醫美輸出後，整個人變得精神煥發，自信心返來，製作組特意為她炮製驚喜。Ada被安排來到漢江，接受訪問時表示已有好一段時間沒有拍拖，被問到理想對象時，她說︰「梗係高大靚仔，好似『霸道總裁』、韓劇男主角咁樣。」

十指緊扣遊漢江 韓劇甜甜情節做到齊

接住貌似台灣歌手林宥嘉、高大威猛的Jason出現，他以結巴的廣東話自我介紹說︰「你好Ada，我係Jason。」Ada既驚且喜。二人漫步漢江，Jason不停賣口乖猛讚Ada後生，擁有一張baby face。最終Ada成為Jason第一位女朋友，還十指緊扣行漢江，十足韓劇情節。

尾聲是Jason帶Ada品嚐地道韓國炸雞及啤酒，期間他再度展現Oppa迷人風度，搞到Ada有一陣久違的拍拖感覺。