臥底嬌娃｜邵美琪時隔7年回巢TVB拍劇！年過60依然零走樣：好似冇老過咁

「美魔女」邵美琪Cutie表情勁吸睛

昨晚（4日）一集，觀眾期待已久的邵美琪（Maggie）終於有較高出鏡率。在劇中飾演闊太的Maggie，舉手投足均散發著名媛、知性美、親切及慈母Feel，有啲表情仲要超Cutie！面對說話單刀直入、不懂輩份分寸的Kelly，及醉酒鬧事的Yuki，Maggie全程保持得體笑容，更在Yuki「舞來舞去」下，與關禮傑大擺各式各樣心心甫士，加上精靈的雙眼及甜美的笑容，顏值極高，獲網民大讚保養得宜：「真係難以置信兩位都過咗60歲」、「Maggie到依家都仲咁正，好似冇老過咁」、「不愧昔日當紅花旦」、「關禮傑喺同年紀嚟講算Keep得最好」、「估唔到邵美琪都搞到笑」。

「逆齡孖寶」關禮傑邵美琪合體搞笑贏正評  

有網民指難得找來邵美琪及關禮傑合體，二人角色應該不簡單，並期待二人後續發揮：「搵得邵美琪，個角色應該唔簡單」、「關禮傑同美琪BB會唔會黑化做Final Boss」。更有網民預估在劇中飾演情深老公、但偶爾會「一秒變奸」的關禮傑，似有不少事情瞞著Maggie！認真謎團多多。

戲內戲外一樣勁親切

昨晚Maggie有句對白是：「我鍾意同啲後生仔做朋友架」，而碰巧現實生活中，Maggie與劇中年青演員也不受年齡差限制打成一片。在無綫官網播出的幕後花絮中，Maggie於拍攝期間主動與《聲夢2》彭家賢Zayden打開話題，大讚對方與蘇永康真的很似樣，又詳細指出覺得Zayden哪裏最似蘇永康，二人言談甚歡。

邵美琪鏡頭背後與鍾柔美打成一片

另一段花絮，Maggie與Yumi合照時，因Yumi說了一句「塊面好大」，Maggie即搞笑又慈祥地指向關禮傑謂：「叫佢（關禮傑）揸機影咪得咯」，無論語氣或心態都恍如後生女，難怪保養得宜。而關禮傑亦甚Nice地為二人揸機自拍，相當gentleman。

問到昨晚與Maggie頗多互動的Yuki，她直指Maggie私下超級Nice，與對方合作零壓力之餘，還經常有大餐食，Yuki：「美琪同關禮傑前輩都好好，成日都會萬歲，差唔多佢哋一開餐，大家就唔需要怕冇嘢食。」