中年好聲音4｜羅天宇除面具後信心盡失！緋聞女友陳懿德不避嫌到場冧爆打氣

羅天宇自爆對手太強失信心 

今集當羅天宇表演時，坐在觀眾席上的德德全程甜笑，非常陶醉。入行多年的羅天宇在賽前訪問中大爆心聲，坦言面對一眾實力強橫的對手，自己已經完全失去自信。他更透露連母親也取笑他入行多年上台依然極度緊張，直認這場殘酷的淘汰賽對其心理質素造成極大考驗，「我阿媽都笑我『你入咗行咁耐都仲緊張嘅』，但係冇辦法，對手真係太強，信心對我嚟講真係唔見咗。」

羅天宇朗尼合唱《曖昧》唱出歌詞意思

為了練好歌曲，縱使羅天宇工作超忙碌，朗尼亦毫不介意做「跟班」。天宇說：「咁啱呢幾日我都好忙，我一日可能去六個地方，朗尼就跟住我去六個地方……我去借衫、我去踩台、我去上堂，佢都跟住一齊去練。」朗尼則指天宇太靚仔，望着他唱《曖昧》很易入戲。

緋聞女友陳懿德到場冧爆打氣

評審張佳添讚天宇唱出《曖昧》的味道，特別喜歡他唱情歌，更當眾將兩人的緋聞擺上枱大玩食字：笑指「唔怪得德德……唔係，係『德』到咁多女粉絲垂青」，令在場的陳懿德緊張至咬唇兼全程甜笑。當公布分數一刻，德德更緊張到咬唇！天宇在緋聞女友德德在現場加持下，又會否取得好成績？