臥底嬌娃｜馬貫東驚爆是李海銅秘密男友！一句「單眼皮個樣好變態」公審羅毓儀

網民驚艷：仲錫得多過後生演員

為了突顯劉彪與卡邦妮的恩愛度，令劉彪出軌事件更有震撼性，關禮傑與邵美琪雖然只現身了10集左右，但前後已嘴對嘴Kiss了至少4次，放閃度不輸熱戀小情侶，連網民亦連二人拍劇如此親密大表驚嘆：「真係冇諗過關禮傑邵美琪仲錫得多過班後生演員。」

關禮傑邵美琪演恩愛夫妻出場10集嘴對嘴錫足4次

談到Kiss戲，關禮傑接受官方訪問時透露是Maggie主動提出Kiss Kiss，並大讚對方專業：「監製要求我哋一出場就畀人感覺好相愛，我同Maggie就朝住呢個方向去諗點演，拖手定攬呢？然後Maggie就忽然提議不如我哋Kiss Kiss吖，其實（原本）我都想咁講，但如果我講出嚟，就好似有啲尷尬，難得Maggie好豁達先開口；我好欣賞佢呢樣嘢，佢好敬業。」

關禮傑大讚邵美琪主動提出加嘴戲表達親密感夠專業

而向以「靚佬」見稱的關禮傑，是次飾演疑似全劇Big Boss的劉彪相當有層次，一般情況下，劉彪都是笑面迎人、狀甚友善；對著妻子邦妮及女兒寶儀（鍾柔美飾），劉彪體貼入微又溫柔；對著私生子索柏（吳子冲飾）和情敵＋仇人白學年，劉彪暴躁又浮誇。

昨晚一集，劉彪KO白學年後，在西裝店扭腰舉手搞爛Gag大跳「開襠舞」一幕，關禮傑無論舞姿及表情均「喜勁」十足，相當impressive。

關禮傑劇透指會與邵美琪反目

談到再演帶有喜感的反派角色，關禮傑指今次演反派與以往有分別，透露自己喜歡每次都接觸不同角色之餘，並劇透指劉彪稍後會與邦尼反目：「我今次會演得實在啲，因為呢個角色其實係面對咗好多唔開心同壓力，而形成咗最後佢同Maggie反目嘅，大家睇落去就會知道架喇。通常我接戲都係角色同以前唔同我先接，因為想有個挑戰性。最開心其實係見番Maggie，大家老拍檔，變咗拍劇時有聚舊嘅感覺，大家拍得好開心。 」

馬貫東驚爆是李海銅秘密男友

昨晚另一焦點劇情，是驚揭疑遭殺害的嘉盈（李海銅飾）的神秘男友原來正是潘奕風（馬貫東飾）。

據知，下周播出的第十六集，將大篇幅交代奕風與嘉盈的戀愛故事，以及奕風不為人知的家庭背景，感人之餘亦峰迴路轉，萬勿錯過。連日來為劇集落力宣傳的馬貫東，日前緊貼劇情出甫搞笑「公審」羅毓儀：「請問咩叫單眼皮個樣好變態？請用不少於50字說明」，雖然羅毓儀直至截稿前未有「回應」相關帖文，但卻引來大批網民開心食花生，相當搞笑。