蔡思貝首度自由身露面TVB冇採訪 一原因執意離巢！罕有5字回應王浩信緋聞

蔡思貝親解離巢原因

日前蔡思貝首次以自由身出席活動，而當日Sisley透露今年初在雙方共同協議下，決定與TVB完約：「處理咗一段時間，由報道到正式公布都隔咗一段時間」她亦親解離巢原因，希望可以在行業內學習更多東西，以及見識更多外面的世界，走出舒適圈。

雖然早已下定決心出走，不過她亦表示在撰寫道別文時，回顧13年來的經歷亦有激動落淚：「我嗰日喺屋企寫嗰篇感謝文係一路喊一路寫，停咗幾次喊到寫唔到，當時係回顧呢13年寫嘅經歷，經歷咗好多，百感交集，點點滴滴，原來自己拍咗好多劇，演過好多角色，都會唔捨得。」直言十分不捨。

+2

點擊圖片放大

+2

點擊圖片放大

透露未來動向發展

Sisley亦透露未來仍然會在演員路上發展，希望可以繼續進軍大銀幕，目前已經有工作正在洽談中。除此之外，她指有時間會學習新技能增值：「自己都想試下新嘢，好似之前去登台唱歌，咁我都有自知之明嘅，想學多啲嘢增值自己。」又直言不介意北上發展。

自由身發展 不抗拒再簽公司

最後蔡思貝表示目前仍然是以自由身發展，由自己獨立傾工作，一手一腳發展事業：「自己傾工作都係學習中，我有搵朋友教我用電腦編時間表，呢啲之前係唔會自己做嘅。」不過她亦認為自己不抗拒再簽新公司，一切有無限可能性。

點擊圖片放大

罕有5字回應王浩信緋聞

最後蔡思貝被問到至今仍總有人提起與王浩信的緋聞，對此她冷淡回應，以5字表示：「我無乜留意。」並拒絕回答與王浩信的關係，明顯不願再提及舊緋聞。

+2

點擊圖片放大