黎明演唱會2026｜黎明送粉絲紅蘿蔔手燈網民Like爆！天王哲學再現：冇得唔要

全場派「紅蘿蔔」手燈  粉絲笑稱：呢件事好黎明

今次演唱會最大的驚喜是每一位觀眾進場時都會獲發一支立體紅蘿蔔造型手燈。無分山頂位還是握手位，人人獲得一條「紅蘿蔔」，絕不落空。不少粉絲精心打扮到現場，笑稱：「第一次穿得這麼漂亮來紅館，結果是拿著條蘿蔔撐場。」

當全場高舉手燈，配合雷射燈光，紅館瞬間變成一片橙海。

到底為什麼是紅蘿蔔？天王哲學再現：冇得唔要

天王黎明在開場唱了兩首歌後終於親自解話：「咁多年嚟，大家都好鍾意送嘢俾我，但係你哋係冇問過我想唔想要就塞晒俾我。所以今晚，我送返個紅蘿蔔俾你哋，冇得唔要，等你哋知道嗰個感受，晚晚都會有！」這番「黎式邏輯」一出，全場爆笑。

他又坦言刻意將個手燈是設計成最原始換電方式，他鼓勵大家帶回家長期收藏：「擺個十年八載都冇問題。」他在台上叮囑大家要多補充維生素，照顧好身體，才能有體力繼續入紅館睇騷。

網民對紅蘿蔔手燈反應好熱烈，大讚天王識玩：「呢件事真係好黎明」、「真係明就明 唔明就黎明」、「笑死 我決定追黎明」、「出應援棒仲勁過韓團,,,超正！」、「幾有哲學意味」、「黎明嘅思路 你係永遠唔會估到」、「Leon 唔唱歌可以去開棟篤笑」等。

紅蘿蔔Solo唱歌片：我叫Robert Hung

其實早在演唱會開場前，黎明在2月於個人IG發佈了多段動畫影片，除了今次演唱會主題中的海盜兔子，還有一段是屬於「紅蘿蔔」的Solo唱歌片，它在片頭自我介紹：「Hi～我叫Robert，我姓紅，叫Robert Hung紅蘿蔔，唱首歌俾大家聽先。」

不少網民留言大讚「好得意」、「紅蘿蔔🥕可以直接出道👏唱得好」、「蘿蔔蔔🤣哈哈哈哈哈哈 Leon人日快樂🎉我們愛你😘」等。所以今次送大家紅蘿蔔手燈，都非常配合演唱會主題！

+2

點擊圖片放大

資料及圖片來源：YouTube@jojowong125、小紅書、IG@leonlaifansclub