臥底嬌娃大結局｜新人李海銅搏到盡人氣急升 監製方駿釗親揭欽點背後真相

臨死護愛爆虐心金句 理智盡失引爆復仇戰

為免狂徒對愛人起疑心，李海銅飾演的「蘇嘉盈」竭力撇清對方與事件的關係，爆出一句「我蠢呀，我鍾意咗佢呀」的虐心告白。馬貫東得悉摯愛慘死真相後瞬間理智盡失，果斷辭去警察職務誓要揪出真兇動用私刑，極致深情的復仇戲碼令劇迷大為動容。

角色合一獲網民激讚 感激前輩剪指甲防傷

李海銅在劇中由頭帶到落尾表現亮眼，人氣隨之直線急升。面對大批網民直接以「蘇嘉盈」稱呼她，她大方表示極度歡迎，直言自己已用李海銅的視覺去完全理解這個人物，兩者在思想世界觀上已經徹底混為一體，「因為蘇嘉盈已經等於李海銅，李海銅都等於蘇嘉盈。我係用李海銅嘅視覺去理解蘇嘉盈呢個人，所以其實蘇嘉盈都係李海銅嘅世界觀。」

她特別感激前輩杜燕歌在拍攝打鬥戲時的百般體貼，「因為權世豪個角色本身好多accessories，但因為燕哥知道呢場同我好多動作戲，所以佢一早就拆晒啲戒指、手鍊，仲剪晒指甲，驚整傷我」、「佢仲有教點樣OD會像真啲，因為嗰吓我唔可以清醒，但又唔可以太口齒不清，都有啲難度」、「喺呢度再次好多謝陳瀅、馬貫東同杜燕歌全部都好照顧我，呢套劇真係每個人都教識咗我好多嘢。」

點名多謝劇組悉心照顧 監製親解憑感覺選角

由於仍算是新人的李海銅在《臥底》中由頭帶到落尾、並因而人氣急升，問監製方駿釗當初為何會睇中李海銅時，他笑言「完全憑感覺」：「最重要都係氣質，我成日覺得氣質同角色係匹配嘅話，就會事半功倍。」