歐瑞偉罕談武師轉型演員曾被罵！親揭《愛回家》待遇不俗：公司對我幾好

難忘最初轉型演員曾被罵：你咁樣不如返去耕田啦！

談到當年由武師轉型演員，歐瑞偉坦言不容易，並親揭曾被叫「返去耕田」：「因為我係武師，我唔識做戲，我行位都唔識，我就畀攝影師鬧，『其實你點做演員㗎？你咁樣不如返去耕田啦！』」

KC親揭《愛‧回家》安穩拍攝日常 

有辛酸史、自然亦有開心事，自言「唔貪心，安穩已經夠」的KC，坦言在無綫多年感覺開心，加入《愛‧回家之開心速遞》後，更加是work life balance：「公司對我幾好，我都叫做咁多年嚟冇乜點樣停過。入咗《愛‧回家》大家庭更加係安穩啦，起碼有個好安穩嘅時間，由朝早去到（夜晚）七點收工，你返到屋企就可以陪屋企人」、「我哋呢班演員有晒默契，一埋位已經知道自己要做啲乜。」

難忘張國榮一暖心舉動

歐瑞偉又透露，自己第一次的替身工作，是為《武林世家》嘅張國榮擔任替身，歐瑞偉大爆哥哥除了十分關心他外，過了多年後還仍然記得他的名字，令他十分難忘又感恩：「張國榮真係好好人，因為嗰場要撻落嚟，佢一直問我墊好Pad未，我話墊好咗，後來佢仲係唔放心過嚟再摸一摸我，又吩咐我小心一啲」、「我記得好多年之後，佢見到我，都仲記得我個名」

除了專訪，《電視城內》每集都會帶大家遊電視城，今集歐瑞偉就帶大家暢遊了電視城中的教堂景及民初街，歐瑞偉期間還走到當年《城寨英雄》的大對決場口懷緬一番，別具意義！除了帶大家遊電視城，歐瑞偉與修哥一樣回應了不少坊間傳聞，方式更是逐點擊破維基百科上的不準確資訊，十分有趣。.

+3

+2

點擊圖片放大