衛詩雅結婚一年公開向醫生老公道歉 婚後因一事重新考慮生育大計

衛詩雅三年前朋友飯局認識老公周祉安

節目中，衛詩雅分享了與醫生老公周祉安（Kenley）從相識到結婚的點滴。Michelle透露兩人於三年前由朋友飯局介紹認識，追逐期間老公極度浪漫，中英文皆精通的他會寫詩相送，更會拍攝彈琴片段傳給她。她笑言：「當然結咗婚之後就無再做呢啲，全部現形，哈！但佢都係好好嘅。」

點擊圖片放大

+3

+2

點擊圖片放大

衛詩雅首揭求婚當日曾吵架

提到老公在Michelle 40歲生日當天安排的驚喜求婚，Michelle卻自爆當時因事業心重而導致兩人吵架。她憶述當時正全力預備電影《破·地獄》，情緒完全投入角色，面對老公跪地求婚，她第一反應竟是「忟憎」，心想：「你知唔知咁會影響我角色情緒？」

「最初只係話食飯，原來叫晒我家人同我最重要嘅朋友，好Surprise咁跪喺度求婚，嗰一刻我反應有啲懵懂，仲有啲忟憎！因為我當時預備緊《破·地獄》，情緒完全專注晒落去！你明知我日日練揮劍，日日背對白，會諗：『你知唔知咁會影響我角色情緒？』係好唔好彩，返到屋企都有少少嘈交，佢係好唔開心。」

點擊圖片放大

愧對醫生老公：我要喺度同佢講聲對唔住

結果當晚回家後兩人發生爭執，令老公非常不開心。Michelle在節目中直言，以前擺事業太前，愛情排最後，甚至會叫另一半「行開啲」。成為人妻一年後，衛詩雅她感性向老公公開道歉：「我要喺度同佢講聲對唔住，令佢有一個唔好嘅回憶。」

與醫生老公淵源深厚

節目中，衛詩雅又分享原來與醫生老公早有兩大淵源，「係好神奇！我第一次聽見佢個名，係因為一個女藝人朋友做咗一次緊膚療程靚咗後生咗，我叫佢幫我Book，但好難約，要等成三個月好寸！第二個緣份，我最近先知，我同老公返我母校（上水官立中學），我哋一齊坐同我老師影相，佢忽然大叫我老師名，『吳宗強，你教過我中文喎！』最初我好尷尬，但我老公本身讀男校聖類斯，我係男女校，知道呢個淵源，我係起晒雞皮。」

重新考慮生育大計

她又形容老公最令她可以託付終生的感覺，是他有辦法處理她的情緒：「我係演員，情緒好易波動，係好易笑好易唔開心。我覺得氹我笑好易，但令我由嬲變返平伏就好難。佢唔會花言巧語話唔好嬲啦嗰啲，係會好理性分析，問我究竟發生乜事？點解會唔開心？會梳理我嘅情緒，呢啲好重要，同佢一齊，我發嬲狀態維持好短，就令我覺得，就係呢個人。」

問到衛詩雅今天老公與事業的排序，她說：「係並列，以前係你行開啲先，愛情一定排最後，家人同事業一定行先。」亦因為感受到老公想有下一代，原本計劃不生小孩的衛詩雅也稱會重新考慮夫妻的生育大計。