正義女神｜鍾澍佳親揭選角重用吳文懿真相！大膽起用新人：「我對於佢好滿意」
由佘詩曼主演的TVB劇集 《正義女神》在翡翠台熱播中，不僅主角亮眼，連單元主角也大獲好評。總監製鍾澍佳（佳導）日前接受官方訪問，親自揭開選用新人吳文懿（Kate）挑戰複雜內心戲角色的背後真相。原來佳導早在拍攝《新聞女王》兩季時，就已經開始關注當時僅飾演助理編導、甚至沒有對白的吳文懿。
佳導親揭重用吳文懿真相 激讚演戲用心
佳導接受官方訪問時，親揭看中吳文懿飾演如此複雜內心戲角色因由：「因為《新聞女王》兩季佢都有演，雖然只係演助理編導、冇乜對白，但佢每一次演出時都係好用心同恰如其份去做好個角色，同埋佢好知道自己喺場戲入面佢嘅立場同埋合符劇情推展嘅反應，佢每一次都好準確，好有職業道德，令我開始留意到佢。」
因《新聞女王》小角色開始關注
他續稱：「跟住我記得有次我哋慶功宴食飯，我有同佢傾吓偈，知道咗佢一啲少少嘅Background，同埋佢原來佢性格好開朗，所以我就決定畀佢試吓呢個咁難嘅角色。其實排戲係排足成兩、三個禮拜，而佢係日日排，而且每一日都有進步，學習能力好強，我對於佢好滿意。」
港生活人氣娛樂新聞
《U GO》送您🌟 Looki L1 AI隨身攝錄機！
↓捕捉4K 影像📸每日自動生成專屬Vlog🎞️！↓
【 #招募酒店試住員🏡 】
↓ 免費入住新5星酒店 + 嘆精緻下午茶 ↓
假日好去處