港人清明拜山驚見「墳場老鼠」！大媽自備環保袋偷一物遭斷正！網民猜測「戰利品」去向 料高價轉售

港人現場直擊 「墳場老鼠」自備購物袋偷祭品

日前有港人在Threads發文，指自己拜山期間目擊「墳場老鼠」偷生果遭墳場清潔姐姐斷正一幕。樓主憶述「事源拜拜下聽到好嘈，有個負責人同一個清潔姐姐捉住咗一個中年阿嬋樣嘅女人，話唔俾佢走。」發現原來是中年女子將其他人拜祭先人的生果偷走，「用一個環保袋裝住咗一大袋」，相當猖狂。

面對質問，中年婦辯稱自己是「第一次來」，只是想著「唔好嘥（不要浪費）」。然而，機警的清潔姐姐隨即拿出手機證據，直言「我跟咗你尾好耐，影晒相。睇你咁熟手一定唔係第一次。」另一名清潔姐姐則表示「墳場唔見野，成日都入晒清潔姐姐數，都賠咗幾次。」清潔姐姐慘背黑鑊令人心酸。

事件最後以請示負責人後，放走偷竊者完結。樓主表示不知道搜刮而來的祭品去向，無論是送人或轉售也好，「環保歸環保，偷嘢還偷野。都唔應該係咁做。」

網民呼籲拜祭後自行收拾

有網民認為拜祭後應該清理乾淨，帶來的祭品自己帶走，否則會惹來老鼠。亦有人表示表示「有時重得滯唔想帶返落去」，留下的祭品食物可供流浪動物或露宿者食用。

點擊圖片放大

轉售圖利或送人？網民：好多人借花敬佛

針對這類「墳場老鼠」行為，有網民質疑一個人根本吃不了這麼多祭品，估計「戰利品」會被轉售或送人，「我覺得佢會拎去擺地攤賣返畀人。始終有人會買貴嘢（如貴價生果）畀先人」、「好多呢類人『借花敬佛』，執返嚟唔係自己要，係派畀其他人，令人以為佢係善心人。」

+2

點擊圖片放大

亦有人認為環保不是偷竊的遮羞布，「平心而論，啲祭品我唔會拎走，清潔姐姐拎去好過當垃圾。但如果炷香都未燒完就擸走，畀我都嬲。」亦有人轉向「玄學」角度處理，「偷咗邊個嘅，當事『人』會做嘢㗎啦」、「呢啲人自然會有先人問佢追返個蘋果。」

點擊圖片放大

中大前助理教授曾拾祭品回家食

2021年網上瘋傳一段戴眼鏡女子疑挪用長者八達通遭港鐵職員包圍的影片。其後揭當事人為來自上海的學者李薇，當時她為中大政政系助理教授，曾在農曆七月期間於Facebook發文及上載多張圖片，指自己拿走路邊先人祭品煮飯。帖文被批不尊重先人，李薇回應「水果也好吃，哈哈，我開心關你屁事。」

來源：Threads、HKET