正義女神｜女學生22歲羅皓誼首演喊戲超揪心 原來係《愛回家》呢個搞笑角色

【正義女神】22歲羅皓誼清純 Feel 彈出

昨晚一集《正義女神》言官（佘詩曼飾）審理的「女學生傷人案」，案情亦貫徹劇情特色反轉再反轉。女學生文靜宜（羅皓誼飾）因用美工刀𠝹傷男教師張一匯（周嘉全飾）上庭，並聲稱是因張一匯企圖非禮所以自衛；言官感事有蹊蹺，破天荒要求檢控官雅晴（戴祖儀飾）傳召全班三十名同學作證，並以敏銳觸覺識破「美工刀謊言」，終引出其中一名女學生連詩詩（胡敏芝飾）講出真相，原來一切是女學生集體欺凌引發的悲劇…

網民激讚：每個案件都有新人，每一個都演得好好

獲網民激讚「每個案件都有新人，每一個都演得好好」的《正義女神》，昨晚個案的焦點新演員絕對是羅皓誼（Chloe）。羅皓誼飾演的靜宜，因被揭發寫情信給張Sir，從而跌入被誣陷及集體欺凌的地獄，最終更被逼走上傷人之路。由於遭受「惡霸學生」（張天妮及劉詠彤飾）一再威脅，Chloe經常要呈現惶恐及有口難言狀態，配合她清純的樣子，著實我見猶憐。

之後當真相水落石出，靜宜在庭上涕淚交連的「漸進式崩潰自白」場口亦相當有感染力，Chloe的情緒明顯跟著角色訴說的不幸遭遇有所遞增，由最初的委屈、不甘、無助，最後演變成絕望及走向崩潰，最後Chloe聲嘶力竭的「爆喊道歉」：「好我後悔呀，對唔住呀，對唔住呀，我唔應該咁做架」，更是令網民大感動容，好奇飾演靜宜的新面孔是誰之餘，並大讚樣子可愛的Chloe是「小白兔女孩」：「好漂亮，小白兔一樣的女孩」、「妹妹演得真好，又漂亮」、「學生裝好清純」。

言官重判惹爭議 網民反思校園暴力

最終言官判靜宜入更生中心，遭程睿燊（馬貫東飾）怒斥太狠心，而言官的回應則以另一種方式演繹了何為「慈母多敗兒」：「法律係道德嘅底線，文靜宜真係有做錯，我唔理佢咩原因…咁細個就講大話畀假口供，如果判決冇足夠阻嚇性，你認為佢會記得今次嘅教訓咩？班細路依家唔教，你將來先去阻止佢哋就已經太遲喇。」根據劇情，靜宜入了更生中心受到應有懲罰後反而變得更釋懷，亦因著言官及鄭邵玲（蔣祖曼飾）的引導，有了重新出發的動力和希望。

現年22歲的羅皓誼Chloe，2022年經藝訓班加入無綫，並以《愛‧回家之開心速遞》中的卜卜脆（Madam Ceci的秘書）一角深入民心，之前在《異空感應》中飾演的叛逆少女羅秀慧，亦獲得了一定好評。早前，有網民發起「TVB三大童顏女藝人」選舉，Chloe僅次於羅毓儀、倪嘉雯排名第三，足見入屋度。

+4

+3

點擊圖片放大

+2

點擊圖片放大

+2

點擊圖片放大

談到被欺凌場口拍攝極逼真，Chloe受訪時透露劇組及佳導為了確保她們拍攝時的安全，在現場做足保護措施之餘，佳導更是全程貼身指導：「佳導有教我哋打面時，要打面下面骨嘅位，咁先唔會受傷。同埋畀人扯頭髮時，我要盡量借力挨後，一來冇咁易整親，二來出到嚟嘅畫面先會好。」

+3

+2

點擊圖片放大

感激佳導貼身指導：佢一見我有唔明，就會即刻教我

談到最難忘場口，Chloe透露是廁所被集體欺凌及被推落樓梯場口：「廁所嗰段一來係重頭戲，二來我哋拍嘅地方真係廁所嚟，所以係我人生第一次瞓喺廁所裏面，同埋嗰段戲都多拉扯，所以都辛苦」、「至於樓梯嗰場因為係自己親身碌落去，劇組為咗咁做咗好多安全措施，同埋台前幕後都有不斷關心問有冇整痛我。」

逼真欺凌戲親自上陣 替身腳毛多頂硬上

Chloe續指其實拍樓梯戲當日劇組有book男替身，但最後因為「腳毛」問題，Chloe就自告奮勇頂上：「因為個替身著裙，拍時個shot好難就，我就提議不如自己嚟，因為我覺得個樓梯個高度都Ok Handle到。其實拍攝現場係鋪咗好多海棉墊同埋有人幫我卸力，所以好安全。」

揭校園暴力地獄 阿佘一動作帶入戲

Chloe續指是次是她首拍喊戲，故事前感到「有啲大壓力」，並感激佳導貼身指導及阿佘幫忙帶入戲：「拍法庭戲時，劇組畀咗個好安靜環境我去培養情緒，除搬嘢時特登好細聲，連講嘢都唔敢大聲，驚影響到我，令我好感動。佳導都有睇住我，一見我有唔明，會即刻教我」、「其實第一場拍我係有啲驚，但當言官（佘詩曼）一行上庭就已經拉咗我入戲、冇晒擔心嘅感覺。」