陳豪自爆曾因一事想過退出娛樂圈 26年電視生涯被梅小青鬧出喜劇天分

拍《洛神》貪玩被鬧 意外發掘喜劇細胞

陳豪第一部劇是《妙手仁心II》，起初試造型是警察，但首日拍攝卻變醫生，他笑言：「好彩Daddy係醫生，加上自己斯斯文文，依家睇番見到一個動作，唔知係咪扮型，總有一邊手會插住褲袋！」

之後陳豪拍第一套古裝劇《洛神》，對「番書仔」來說是巨大挑戰，他坦言當時每句對白NG 30至40次，非常感謝同劇演員幫忙。拍《洛神》時，陳豪遇上比自己更貪玩的蔡少芬，兩人不用埋位時玩個不亦樂乎，結果被監製梅小青責罵，但罵完後發現他有喜劇元素，從此劉家豪拍喜劇全部找陳豪。

陳豪拍《點解阿Sir係阿Sir》出盡「癲」力晒搞笑天分

陳豪拍喜劇《點解阿Sir係阿Sir》盡顯搞笑天分，獲外界一致好評，他坦言當時有壓力：「你哋成日將我同星爺（周星馳）比，但我唔係星爺，我唔係嗰樣嘢嚟，我係陳豪，我係另外一套嗰樣嘢，我都盡能力將自己嘅喜感、一啲癲嘅嘢放咗落去。」

視帝Locker擠滿粉絲來信兼禮物 暢遊古裝街即興Rap餐飽

除了專訪，《電視城內》每集都會帶大家暢遊電視城。今集陳豪帶大家參觀自己的Locker和古裝街。當陳豪打開Locker，驚見擠滿了粉絲寄給他的信和禮物，數量多到誇張。陳豪又到古裝街懷緬與好拍檔佘詩曼拍《公主嫁到》鬥Rap的情景，更「技癢」下即場創作一段Rap！

點擊圖片放大

+2

點擊圖片放大