搭車最難頂5種人！電梯左企/大背囊未算衰？冠軍行為惹公憤：日日都有

第5名：擋住門口位置

搭交通工具時，明明眼見車廂入面還有位，但偏偏有不少人為求自己方便落車，就如磐石般守住門口位置。每次到站都要講聲「借過、唔該」先肯郁一郁，甚至有低頭族乘客只顧玩電話，完全無視身邊動態，令不少乘客都要「夾硬」逼上車。

點擊圖片放大

第4名：車廂內大聲講電話

朝早搭車時有人會想閉目養神、寧靜休息，但亦有人大聲講電話，將個人私事傳至整個車廂。另外更有人將車廂當成自己屋企個客廳，沒戴上耳機情況下開大聲公睇短視頻，嚴重騷擾其他乘客。

點擊圖片放大

第3名：背包族霸佔空間

香港人最愛孭背囊，但如果車廂內已經又逼又多人，一個大背囊幾乎霸佔一個人身位，轉身仲可能會撞到後面的人。為針對背囊黨問題，港鐵多年來亦曾不斷呼籲乘客高峰時可將背囊向前孭，或者除下拎住，減少人撞人及出現口角機會。

點擊圖片放大

第2名：扶手電梯「左企」阻路

雖然官方宣傳「向右企定」，但香港急躁文化仍有不少人會「靠左行」。繁忙時間趕轉線時，如果左邊通道遇到「左企人」，絕對會心急如焚。

第1名：未落車先衝上車

不讓車上乘客落車，搶先衝入車門獲網民一致公認為「自私之冠」，亦是每日返工必遇！車門一開，入面乘客腳都未踏出去，車外乘客就已經直衝上車。「先落後上」明明是基本禮儀，但往往就因為做少一步，導致車上乘客難以落車，影響上落車效率。

點擊圖片放大

圖片來源：Canva資料圖片

嘆去深圳快過出旺角！市區男實測新界交通搭車搭到傻 網民揭3大重災區

【新界交通悲歌 / 塞車 / 上水廣場 / 大西北 / 屯公 / 過關 / 打工仔】不少市區人總以為「北上」最花時間，不過有港男就大呻「返深圳仲快」！近日有港男因工作而要到上水，回程返九龍竟要逾一小時，徹底被新界交通「玩死」！他崩潰發文嘆「去深圳快過去旺角」，瞬間引爆全網共鳴 。到底新界街坊每日要面對哪「3大重災區」，令出城慘過過境？即睇下文了解！

+14

+13

點擊圖片放大