百佳購物車現「隱藏福利」掛袋神器！網民讚貼心：揭真實用途惹笑
【網上熱話 / Threads 熱話 / 超市 / 百佳 / 買餸攻略】放工去買餸，拎住大包細包仲要推車，真係狼狽到想喊？難怪有個隱藏功能一曝光就震驚網民！近日有網民在 Threads 分享，發現百佳手推車手柄位竟然藏有一個「掛袋神器」，可以徹底解放雙手，不用再將手袋同生肉蔬菜迫在一起，令網民大讚「百佳咁貼心得唔得」？但原來呢個神機關設計初衷竟然並非掛袋，即睇下文揭開呢個「神器」的隠藏功用。
百佳購物車藏「掛袋神器」
放工去超市最怕要拎住一袋二袋，有手推車但無手揀餸，又或者要將自己個袋同凍肉、蔬菜迫埋一齊？近日有人在Threads分享，原來百佳購物車上有個隱藏「貼心功能」，可以完美解放雙手。
網民激讚：買餸輕鬆晒
根據網民分享，意外發現百佳購物車手把位附近，竟藏有一個小機關，就是多了一個「掛鈎」，可以將隨身提袋、雨傘或者其他重物掛在掛鈎上，不用再放落車籃入面。解放雙手同時，又可以分離手袋及食物，不怕生肉水、泥整污糟手袋，乾淨衛生，令樓主大讚「百佳咁貼心得唔得」，又指以後就算放工拎住好多隨身物品買餸都即變得更輕鬆。
有網民表示都有留意到，讚「覺得幾好，可以解放雙手」， 亦有人形容是「BB 車概念」，分析購物車參考嬰兒車的掛鈎概念，設計非常人性化。
▼網民留言▼
網民分析：原本竟然係「呢個用途」
雖然大家用得好開心，但亦有理性派網民指出設計的原本用意，驚揭其實是收車時固定用的功能性零件，以免收車時彈開。但因為位置啱啱好，意外變成港人眼中嘅「掛袋神器」，樓主笑回「咁仲好！多一個用途，我拎嚟掛袋都好fit」。
資料及圖片來源：Threads@smxjhhw、百佳超級市場、Canva資料圖片
港生活人氣本地熱話
↓【請您去Staycation🏡！】↓
↓《Chill賞親子玩樂祭》活動攻略✨！↓
贏走主題樂園門票、酒店Staycation及人氣產品
假日好去處