Now TV金像獎最強「戲」勢！丨每月$68起狂煲猛片！9大必睇金像獎提名佳作
第44屆香港電影金像獎又嚟喇！見到出爐提名名單，等唔切勁有衝動翻睇作品？Now TV*集合2,800套中西日韓猛片^，仲有大批今屆同歷屆香港電影金像獎得獎同提名佳作，而且每月只需要$68起，就可以安坐家中盡情點播，睇盡各套大熱作品！
依家為大家盤點Now TV上9套今屆金像獎必睇嘅提名猛片，由驚悚懸疑、溫情感人、動作鉅獻應有盡有，幕前幕後卡士極其鼎盛，加上話題性爆燈的故事內容，身為戲迷嘅你絕對不容錯過 ！
《醬園弄．懸案》Now爆谷台
陳可辛出手，章子怡、雷佳音領銜主演，改編自民國四大奇案「醬園弄殺夫案」，未上映已經話題度爆燈。電影榮獲最佳電影、最佳導演、最佳女主角等7項大獎提名，戲迷絕對不容錯過。
《贖夢》Now Cinema
就算未睇過套戲，相信唔少人都識得蔡辛強！張家輝親自執導兼主演，聯同陳法拉、劉俊謙、朱晨麗、袁富華再次挑戰驚悚題材，透過模糊真實同夢境嘅界線，喺戲中交織出懸疑氣氛，獲得唔少影評人激賞，更一口氣獲得最佳女主角、最佳視覺效果等4項提名！
《像我這樣的愛情》Now Cinema（4月17日上架）
譚惠貞繼《以青春的名義》後嘅第二部長片，搵嚟陳家樂、廖子妤這對好戲之人，雙雙獲得最佳男、女主角提名。劇情細膩刻畫愛情，仲探討為殘疾人士性權益議題，觀眾都話睇到眼濕濕！
《捕風追影》Now爆谷台
將游乃海嘅《跟蹤》翻拍成AI時代諜戰片，成龍聯手影帝梁家輝，兩位上晒神枱嘅演員都演得非常博命，成家班式動作武打場面由頭帶到尾，最正係梁家輝重演18年前奸角，依然搵到突破位，抵佢再次提名最佳男主角！電戲仲同時獲得最佳新演員、最佳動作設計共5項提名。
《金童》Now Cinema（將於5月8日上架）
差啲成為另一都市傳說，拍足6年，張繼聰由男主角做到自資6位數完成嘅誠意之作！電影講述充滿熱血同夢想嘅拳擊故事，再加上阿聰為套戲練到一身肌肉，成功入圍最佳男主角、最佳新演員、最佳動作設計3項提名。
《無名指》Now爆谷台
郭富城再做爸爸，今次同樣唔生性，但浪子回頭學習照顧患有肌肉萎縮症嘅女兒。憑《久別重逢》提名金像獎最佳女主角的許恩怡，今次做女兒再次競逐相同殊榮。加上鮑起靜、梁詠琪同譚耀文驚喜演出，2025年不能錯過嘅溫情之作。
《女孩》Now Cinema
舒淇由幕前轉戰幕後一樣發光發亮，首次執導即勇奪釜山國際電影節最佳導演獎，更一舉拿下金像獎最佳導演、新晉導演、最佳編劇、最佳攝影共4項大獎提名！電影用超靚嘅取景同攝影，帶大家回到80年代基隆港，經歷女孩與女人之間一幕幕溫柔與暴烈。
《拼命三郎》Now Cinema
譚耀文演過氣大佬，夥拍鄭浩南，仲有新世代藝人林家熙（Locker）同應智越（細貓），上代恩怨帶落下一代，用江湖味溝父子情，又畀佢溝得埋，Locker仲攞埋最佳男配角提名！
《水餃皇后》Now爆谷台
由真人真事改編，喜劇女王馬麗與金像影后惠英紅大鬥戲，講述70年代一位山東媽媽帶住兩個女嚟香港嘅奮鬥故事，仲完美呈現上世紀舊灣仔風情，橫掃最佳女主角及最佳男女配角3項提名！
除了上列9大今屆提名佳作，榮獲最佳電影、最佳導演、最佳編劇等8項提名的《世外》、獲5項提名的《他年她日》以及《再見UFO》、《女孩不平凡》亦將於稍後於Now爆谷台自選服務 及Now Cinema 分別於第2季、第3季上架，睇完9套、睇完頒獎禮亦可緊接重溫，延續「戲」勢。
$68/月起歎頂級家庭影院享受#
Now TV當然唔止以上猛片，無論你係撐香港電影嘅本地戲迷、定係鍾意中西日韓猛片嘅電影控，Now TV 都完美滿足你嘅戲癮同需要！依家「亞洲星級娛樂組合」訂購優惠，只需要$68/月起，唔使一張戲飛嘅價錢，就可以隨時隨地點播好戲，記得把握優惠期上去了解詳情：www.nowtv.now.com/promo/bestmovieplatform
*指香港收費電視及串流平台。
^截至2025年12月31日，Now TV的電影庫已超過2800部，包括中、西、日、輯等多種類型的影片，並不涵蓋Netflix, Disney+ 以及HBO Max 應用程式的內容
#優惠期有限。優惠只適用於指定客戶。受條款及細則約束，詳情請参閱 bit.ly/nowtv-movies
（資料由客戶提供）
港生活人氣娛樂新聞
↓【請您去Staycation🏡！】↓
↓🎡免費送海洋公園門票 ↓
一步登記，投入Sanrio 蔚藍海洋之旅！
假日好去處