梁思浩親爆江美儀常被欺凌！深夜爆喊訴苦：點解佢哋要咁樣蝦我？

「大隻仔」周嘉洛被爆每朝必食8隻雞蛋「補肌」

美儀姐一嚟先以前輩身份評價四位後輩，包括因工作未能參與錄影的周嘉洛，原來憑爆肌身形洗晒版的嘉洛仔，最緊要蛋白質，拍攝基本要求是每朝要食八隻雞蛋「補肌」！

GM被爆曾臭親Fans 

至於GM則被爆曾經臭親Fans及餐廳老闆娘，十分爆笑，美儀姐：「我哋去到一個地方，有好多人好興奮咁嗌GM」、「佢好受歡迎架，成班女仔圍住佢，跟住我哋第日就話喇，GM，你咁臭，你有冇諗過啲粉絲會點㗎？」GM除了有「臭歷史」，身份是道士的他，還被爆私下是「神醫」，並會親述曾幫吳若希醫好「瞓捩頸」。

江美儀親認大食兼食極唔肥

至於美儀姐，則被好友梁思浩連環爆料，首先思浩踢爆有次與江美儀及其他朋友，在酒樓包了兩枱飲茶，結果美儀姐竟嗌了100籠點心，令思浩嘖嘖稱奇。美儀姐回應指自己確實食極唔肥兼食量驚人，並難忘曾打爆鄭則士家中「糧倉」：「極難忘，有次去鄭則仕屋企打邊爐，將佢全屋企嘅嘢全部食晒！」

25年好友梁思浩親爆江美儀成日畀人蝦

另外，梁思浩還爆料指外表硬朗、兼看似很惡的美儀，其實有不少被蝦經歷，並曾致電梁思浩訴苦：「其實你哋覺得佢惡啫，我識咗佢二十五年，其實有陣時我要氹番佢轉頭。有一日佢打畀我：『嗚嗚……點解佢哋要咁樣蝦我？』…有時你哋覺得美儀惡，其實我覺得佢係唔想畀人蝦，因為喺娛樂圈蝦佢嘅人都唔少。」

江美儀難忘當年做模特兒酬勞極豐厚

美儀姐又會應主持王鎮泉要求在節目詳述被蝦經歷，又親認性格蝕底：「我個樣又衰嘅生得，坐喺度好似好串咁」。另一爆點，是90年代擔任模特兒的美儀姐，豪爽地大爆當年做Model報酬極好：「嗰時都成2、3千蚊一個鐘，而一單job Minimum係四個鐘。」