試真D｜江美儀廣州挑戰「全蟲蟲宴」畫面極震撼！原隻水曱甴嚇到GM驚現毁容級表情
無綫綜藝節目《試真 D》由江美儀、周嘉洛、朱敏瀚（朱仔）、吳業坤及曾展望GM合作擔任主持，由於《試真D》內容真實有趣，播出後贏盡好評！，今晚（22日）一集中未出發已揚言有「蟲蟲恐懼症」的GM，終於要面對現實，與江美儀和朱敏瀚在廣州挑戰「全蟲蟲宴」！
江美儀廣州挑戰「全蟲蟲宴」
節目中，江美儀與曾展望GM、朱敏瀚一同挑戰「全蟲蟲宴」，GM單是聽到「金龜子」、「桂花蟬」及「黑螞蟻」等蟲名，已嚇到面容扭曲；而當身處「蟲蟲宴」現場、被各式各樣的蟲蟲「『蟲蟲』包圍」後，GM即刻綻放「嚇破膽表情包」，驚到五官變形兼不時露出作嘔樣之餘，更嚇到爛gag湧現，其中一句「凍檸茶有得少甜，呢度有冇得少蟲架？」更笑到美儀姐卡卡聲。
GM嚇到面容扭曲尖叫
在眾多蟲蟲之中，令GM嚇到毁容的分別有「肥嘟嘟南瓜蟲」及「極恐怖水曱甴」，當面對完整的水曱甴原隻上時，GM嚇到連續大叫八聲「嘩」之餘，更忍不住將碟蟲有咁遠搬咁遠：「唔好圍住我，我唔係好得」、「嘩！認真，我好唔鍾意掂呢類嘢，嘩！」然後仲一味齋Talking拖延時間，結果遭江美儀喝斥：「你講咁多！郁手啦！」、「冷靜啲，後生仔」、「點呀你」，爆笑度超標！
呢一款竟然被讚不絕口？
至於朱仔，其實勇敢度只係高過GM少少、除了不時要抖大氣才敢放蟲入口、當他吃完店家激推的南瓜蟲後，竟忍不住爆笑：「如果呢個係最好味…我想走。」雖然兩位男丁全程表現慘到形容唔到，但其中有一味蟲，竟然食到GM「細眼變大眼」之餘，三位主持更同時讚不絕口，仲話可以Encore。
港生活人氣娛樂新聞
↓【請您去Staycation🏡！】↓
↓🎡免費送海洋公園門票 ↓
一步登記，投入Sanrio 蔚藍海洋之旅！
假日好去處