天水圍酒樓推長者「全日免茶位」優惠！一原因吸客變趕客！街坊揚言：唔會再嚟喇

屋邨酒樓連冷氣都無 老友記呻「唔會再嚟」

有老友記在Facebook群組「食在元朗」發帖，指早前到天水圍天耀一帶逛街，順道到一間屋邨酒樓飲下午茶。樓主表示，因4月推出長者「樂悠卡全日免茶位」優惠，吸引他與同行友人入內用餐，當日點了兩份點心孖寶（每份$36.8），結帳合共$81。

+2

點擊圖片放大

不過，樓主直言今次用餐體驗欠佳，一方面「免茶位」優惠需搭枱使用，另一方面現場環境更令人失望，「酒樓冇冷氣，全場靠幾部大風機吹」，並直言「再熱D會頂唔順，唔會再嚟」。從他上傳照片可見，點心賣相尚可，但酒樓內擺放多部座地冷風機。宣傳單張亦顯示，長者優惠適用於平日，且設有多項限制，包括需搭枱及不可與其他優惠同時使用。

無冷氣等同趕客？網民：衰過大排檔

帖文引來大批網民討論，不少人直言無冷氣難以接受，「酒樓無冷氣會有酸味，點食？」、「今時今日冇冷氣怎樣去飲茶食飯」、「仲衰過以前大排檔」。亦有人指出，這類冷風機實際效果有限，「前面微涼，後面散熱，有開等於冇開」。有街坊熟客則表示，該酒樓早已存在冷氣不足問題，「去年去過都已經好熱」，認為做法等同「趕客」。

即睇網民點講

+6

+5

點擊圖片放大

網民認出酒樓 乳鴿斬件另收$18引熱議

另有網民認出該酒樓，指其早前推出特價乳鴿，但需額外收取$18斬件費，引起熱議；亦有人提到酒樓其他分店情況，指即使沒有優惠亦需搭枱，質疑相關安排是為減少開枱成本。

食到出汗？樓主補充：真係越坐越熱

樓主其後補充，「我好耐冇嚟食，都係去到至知冇冷氣」，當日他們被安排靠近門口及冷風機位置，雖然未有異味，但整體環境「越坐越熱」，用餐期間甚至感到出汗。

他又留意到，酒樓部分以往優惠已取消，「冇左長腳蟹優惠，魚缸都只剩魚」，加上現場氣氛冷清，即使有長者優惠，上座率仍不足一半，令他不禁懷疑酒樓經營狀況，「有啲似準備結業，睇嚟離執不遠」。

來源：Facebook@食在元朗