失業讀碩士避世？高層警告零經驗更慘 反推介做保安揭3大面試優勢
【失業搵工 / 讀碩士出路 / 零經驗 / 面試優勢 / 反推介做保安 / 職涯規劃】大學生畢業遇上搵工寒冬，找不到工作應該繼續進修讀碩士，還是隨便找份兼職「騎牛搵馬」？近日有自稱大機構高層的網民發文警告，千祈不要因失業而盲目讀碩士，因為「零經驗碩士」在職場根本缺乏競爭力。他更強烈建議年輕人若待業，不如先去做夜更保安或 1823 客服，並點出「一個關鍵原因」解釋為何這類工作比送外賣、做倉務更有利日後面試見工。言論一出即引發網民兩極激辯！到底學歷與經驗哪樣更重要？
畢業等於失業？高層警告：千祈唔好盲目讀碩士
每年一到畢業季，不少 Fresh Grad 如果短期內收不到 Offer，都會萌生「不如讀個 Master 避一避風頭」的念頭。不過，近日有自稱大機構高層、身邊充滿老闆與 HR 朋友的網民在社交平台上發文，狠狠打破這個幻想。樓主一針見血地指出：「千祈唔好因為搵唔到工而走去讀碩士諗住讀完之後先再搵！」
樓主不建議讀碩士原因：經驗更重要
他分析，現時市場上專為大學生而設的空缺愈來愈少，越遲出社會，搵工難度越高。在老闆眼中，普遍會傾向聘請「學士畢業＋有工作經驗」的人，而絕對不會優先考慮「碩士畢業但零經驗」的白紙。由於市場上極少初階職位硬性要求碩士學歷，盲目進修只會變成「用父母錢拖延出社會的藉口」。
寧願做保安都唔送外賣？拆解「可轉化經驗」法則
如果搵唔到正職，待業期間應該做甚麼？樓主給出了一個實在建議：「去做住保安先，大把空缺，有手有腳就請！」更直言不建議做近年大熱的外賣員或倉務員？樓主解釋，因為外賣和倉務的工作經驗對日後見白領工來說「幾乎係廢嘅」，反之做保安卻大有學問。他總結了3大做保安的實戰好處：
做保安優點1. 爭取時間見工
建議選擇「夜更保安」，方便日頭隨時去見心儀工作。
做保安優點2. 累積「對人」經驗
做保安必然會遇到住客、甚至麻煩人。大學生未來的工種大多需要對人，這些處理衝突的經驗絕對可以在面試時大派用場。
做保安優點3. 包裝個人形象
面試時可以向 HR 坦白自己「一邊做保安一邊搵工」，能輕易 Present 出自己是一個刻苦肯捱、不想加重父母負擔的年輕人，而不是「喺屋企等運到」。
樓主更舉例，如果你去社福機構見工，可以分享做保安時如何協助公公婆婆解決問題，展現自己「有 Heart」；見食環署則可分享處理冷氣機滴水投訴的經驗，直接 Impress 面試官。
女仔唔想做保安點算？2大筍工推介
如果女仔覺得體力或環境上不適合做保安，樓主亦建議可以找一些「需要處理查詢同投訴」的 Part-time 做住先，例如：
馬會投注站前線
1823 政府熱線聽電話
重點是保持心態積極，得閒做下運動，保持陽光外表，樓主認為「外表對搵工絕對有直接關係」。
原帖文如下：
網民激辯撐「識人好過識字」 VS 批「大公司睇沙紙」
這篇充滿「職場潛規則」的帖文一出，瞬間辣㷫大批網民，引發熱烈討論。有人大讚樓主講中晒重點，但亦有人覺得這是「廢老思維」，甚至質疑樓主所在的公司規模。
網民真實留言對決：
| 認同樓主派（重實戰技能） | 反駁樓主派（重學歷沙紙） |
|---|---|
| 「時代變咗，家下 AI 進步太快，學識點運用 AI 反而更易生存，學歷唔再無敵。」 | 「你間公司肯定唔大得去邊！有邊間大企業唔睇學歷？無學歷點同市場競爭？」 |
| 「讀書只係用父母錢嚟拖延嘅藉口，一張白紙越遲搵工越無競爭能力。」 | 「我公司請 technical，要求學士但來 in 嘅最少都碩士，好多仲要 Double Master！」 |
「喺依家社會生存，有個值錢渴市嘅技能緊要過有一科垃圾科嘅 Degree。」 | 「同是零經驗，22歲學士同25歲碩士比，點解會唔請碩士先？」 |
| 「做嘢越耐越覺得，識人好過識字。」 | 「我同事讀完碩士喺 IT 公司做咗10年以上，非常穩定。」 |
其實，不論是選擇進修還是先找份兼職「騎牛搵馬」，最重要還是要清晰自己的職業規劃。與其盲目跟風，不如認真檢視該碩士學位是否符合目標行業，如工程、測量等專科確實需要高學歷，否則累積「對人」的軟技能，在 AI 時代確實是不易被淘汰的本錢。
資料及圖片來源：Facebook@裁員炒人消息關注組、HKET圖片庫
AI裁員潮殺到！大學生轉投2大免疫筍工 年賺200萬+職位暴增20倍
現時AI應用遍佈各行各業，打工仔被AI「搶飯碗」已成現實。當白領還在擔心前途，Z世代已經率先轉投「勞動」市場！最新數據揭露，有兩大行業完全免疫於AI衝擊，其中一行的年薪更急升至逾200萬港元，連大學生都爭住做！到底邊行咁好賺？即刻拆解未來最「有前途」的超級「鐵飯碗」！
失業來香港生仔成功申請1.2萬津貼！網民追問：可同時食盡香港2萬蚊福利？
中港兩地的社會福利政策各有不同，跨境生育的津貼申請充滿波折。近日，一名內地女子在小紅書發文，分享自己「失業期間」在香港產子，並成功申請逾萬元生育津貼的經歷。帖文引起中港網民熱議，不少人更將焦點放在香港政府的「2萬元新生嬰兒獎勵金」上，好奇追問事主是否能「食盡兩地福利」雙重領取！本文為大家拆解箇中細節。
港生活人氣本地熱話
↓送您Haenim升級嬰兒用品✨↓
↓【請您去Staycation🏡！】↓
假日好去處