著名填詞人因葵離世終年60歲 周啟生沉痛發文證實死訊噩耗

【樂壇噩耗】太極「御用填詞人」因葵離世終年60歲

因葵作為中意混血兒，中學時與太極主音雷有暉同窗，其填詞生涯亦由太極首支金曲《紅色跑車》開始。多年來，他為太極創作超過60首詞作，包括《迷途》及《全人類高歌》等經典。

太極樂隊隨後發長文悼念，形容因葵是不僅是賦予音樂靈魂的作詞人，更是共同成長的「好兄弟」，並感性留言希望他在天堂與已故成員唐奕聰（Gary Tong）重聚，繼續組團玩音樂。

「收到消息後，我哋每一個心裏面真係好難受。咁多年嚟，你唔單止係我哋太極最重要嘅作詞人，更加係同我哋一齊成長、一齊癲嘅好兄弟。你用文字賦予咗我哋音樂靈魂，多謝你為我哋寫咗咁多經典，你先走一步，我哋會繼續唱落去，將你嘅才華永遠留喺舞台上面。兄弟，一路好走。喺天堂同Gary Tong 夾住band先，我哋喺下面繼續聽你哋嘅音樂。永遠懷念你。」

筆下佳作無數 曾奪金曲金獎殊榮

因葵的創作橫跨八、九十年代，張國榮、張學友及陳百強等巨星均曾演繹其作品。1999 年，他憑鄭秀文的《插曲》奪得十大勁歌金曲「金曲金獎」，奠定詞壇地位。他亦曾跨足幕前，與陳輝陽等人組成「余力機構」。