農夫紅館演唱會｜第二場嘉賓MC張天賦Rap《學海無涯》 唔睇提詞機自爆係農夫鐵粉

+3

+2

點擊圖片放大

MC張天賦自爆小學已迷戀農夫  歌詞倒背如流

演出中段迎來全晚最大驚喜，當紅偶像MC張天賦以神秘嘉賓身分登場。當MC一出場，全場尖叫聲震耳欲聾，三人首度同台大熱合唱經典金曲《學海無涯》，MC全程完全拒絕依賴提詞機，一字不漏地完美Rap出整首歌曲，其清晰咬字與精準節奏令農夫二人當場露出難以置信的震驚表情。

陸永在台上激讚MC的極高水準表現，直指「大家有無留意？我真係未見過有嘉賓可以Rap咁多，佢要求唔要提詞機。佢真係識我哋啲歌，我好肯定佢識過你地(觀眾)    。MC就笑住謙稱，「 因為你哋話唱《學海無涯》，我就.......」陸永即搶答 :「 就開始背喇。哈哈！」

MC隨即笑著回應，又自爆「我真係細細個聽你哋啲歌大㗎！最早期我聽《我的野蠻女友》《奇蹟》，《韓國勁舞權》仲有《十年人事》、《十七年華》....好多好多。細個溫書嗰陣，我聽已經係 DSE啦，我記得嗰時仲係小學，唔用正途去下載音樂，放入MP3入面聽㗎！你哋係我人生list上面其中一組人，我好希望可以嚟到你哋演唱會做嘉賓。係人都知，我做任何演唱會最緊要一定要提詞機，但今日我覺得——你哋啲歌，如果我背唔到，就唔配上嚟做嘉賓！真㗎！所以我今日真係好開心，好少我做嘉賓係冇壓力㗎，呢度真係好歡天喜地。」全場再度報以熱烈掌聲，MC的真誠與實力贏盡全場歡心。