重案解密丨張文慈被保鮮紙由頭包到落腳險窒息 猙獰面目演躁鬱症角色完全認唔出
今晚（11）《重案解密》一集的奇案是「教授殺妻案」，劇情講述警方調查大學教授方立仁（張國強，KK飾）的妻子劉桂芝（張文慈飾）失蹤案，經深入調查後得知劉桂芝終日疑神疑鬼，更懷疑親生女兒何愛蓮與繼父方立仁有染，更用藥物害女兒流產……最終杜凱斌於垃圾站找到方立仁棄置的大木箱，內裏藏有劉桂芝被保鮮紙包着的屍體。
張文慈豁出去 與張國強「生死之戰」
今集焦點角色絕對是張文慈和KK！一向出名好戲的KK完美駕馭角色反差極大的情緒，平時冷靜機智，但實情怕老婆以及最後失控發狂，KK都演得非常到位。至於張文慈飾演患躁鬱症的妻子，心理極度不平衡，其蠻不講理的表情和語氣，搶鏡程度不比KK遜色。
張文慈被保鮮紙由頭包到落腳險窒息
而張文慈被KK用保鮮紙包勻全身一幕，更是極度逼真！早前劇組在社交平台分享該幕的花絮片，已引起網民熱議。鏡頭捕捉到張文慈在險窒息下仍堅持演出，為了呈現最佳效果，劇組進行兩、三次補拍，縱使張文慈拍到筋疲力竭，仍向工作人員說「冇事」，不少網民都讚她非常專業。
全程真打冇留力：打完真係好痛
張文慈接受訪問時透露，拍攝該場戲前有點害怕，雖然正式拍攝時有抖不到氣的感覺，但幸好KK和劇組都很照顧她：「拍之前真係有啲驚，但一埋位唔理咁多。我好相信KK，佢好照顧我，拍咗兩、三個take就得。」自爆與KK都是出盡全力真打：「冇諗過準備啲乜，因為真係豁出去。KK係好對手，我哋兩個為咗演戲都好狠，為咗效果好，我哋係真打，打完真係好痛，哈哈！」
唔理靚樣 猙獰面目勁嚇人
張文慈笑言知道要扮演情緒失控的角色時，已懶理變醜豁出去：「我拍嗰陣豁咗出去，都冇理個樣靚唔靚，出嚟好猙獰，有粉絲同我講話睇到後面先認到我。」她坦言只要角色有發揮，幾難演、幾變態的角色都會做。提到今次她的角色引起不少迴響，張文慈表示很開心：「好耐冇做過咁壞嘅角色，都有一段時間冇拍劇，希望多啲人搵我，我唔介意演更變態嘅角色。」
港生活人氣娛樂新聞
↓【限時搶⚡】鴻福堂端午糭禮券↓
↓中山蘆兜糭｜梅菜五花肉紹興糭↓
↓【社群請您玩Pickleball！ 】↓
免費上Smashy Club 親子班或包場任玩體驗！
假日好去處