九龍城廣場失AEON提早退租！人流大減恐變「死場」？網民獻計轉型做年輕人生意：靠ＯＯ有望翻身

AEON九龍城店撤出 提前逾年半退租

AEON九龍城廣場店自去年12月1日起貼出休整通知，暫停營業至今約5個月。早前AEON母公司永旺正式公布，該店將提前超過一年半終止租約，原因包括優化店舖組合，以及考慮到九龍城廣場已獲批改作住宅用途，長遠經營可行性受限。

延伸閱讀：AEON九龍城分店宣布暫停營業 官網顯示店舖休整中

九龍城廣場上周二（5日）發表聲明，否認現時有任何重建計劃或已落實的重建時間表，「不存在任何已落實之重建時間表，相關內容純屬失實及誤導性消息」。同時，廣場亦強調會繼續維持正常營運，並持續優化商場設施、商戶組合及推廣活動，為街坊及顧客提供更優質的購物及休閒體驗。

九龍城廣場恐變死場？

近日有港人於連登討論區以「九龍城廣場可以點做？死場」為題發帖，並轉發AEON提早撤出九龍城廣場的新聞，感嘆商場今非昔比，商場人流明顯大減，並留言表示：「以前好旺㗎，記得仲有一元拍賣、歡樂天地、冒險樂園，而家係死場一個。有無白武士可以打救？」

死場救星都救唔到？網民獻計教咁做...

不少網民對AEON撤出感到意外，更直言連「死場救星」都無法帶旺商場，「死場救星AEON都救唔到」。亦有人認為真正「死場救星」其實是IKEA、壽司郎，「開間IKEA即刻旺過海港城」、「開壽司郎啦」，又建議可參考MegaBox經營模式，「成個MegaBox有板佢抄都抄唔掂」、「Mitsui Outlet先有機會攪返掂」。

另有網民笑言，九龍城本身車位不足，不如索性將商場改成大型停車場，「依個場最旺應該係停車場，果十層換晒做停車場啦」，甚至提出天馬行空的建議，包括「搞全幢war game」、「將機場搬返去九龍城」。

即睇網民留言

• 死場救星唔係IKEA同壽司郎咩
• 開間IKEA即刻旺過海港城
• 改做多層停車場係唯一出路
• 依個場最旺應該係停車場，果十層換哂佢做停車場啦
• 搞全幢war game
• 將機場搬返去九龍城
• Mitsui Outlet先有機會攪返掂
• 成個MegaBox有板佢抄都抄唔掂

九龍城寨商場有得做？網民：剩做遊客生意都夠做

除了引入大型品牌外，亦有不少網民認為九龍城廣場可主打特色主題吸客。其中最多人提議的是結合「九龍城寨」元素，打造相關主題展覽或主題餐廳，更提議將商場改造成迷宮式「城寨主題公園」，配合旁邊九龍城寨公園，吸引外國旅客到訪，「剩做遊客生意都夠做」。

+4

+3

點擊圖片放大

網民建議轉型做年輕人生意

另外，亦有網民認為商場可走動漫及潮玩路線，例如設立爆旋陀螺對戰區、Pokémon對戰中心，甚至開設Chiikawa及Pokémon大型專門店，「興乜就搞乜活動」，吸引年輕客群。

點擊圖片放大

九龍城廣場3大死因 網民：根本無得救

不過，更多網民則認為九龍城廣場問題屬先天不足，「根本無得救」。有人指出，商場距離港鐵站較遠，又不近工商業區及旅遊區，交通配套遠遜附近Airside及Mikiki，「唔揸車／搭的士根本唔就腳」。

亦有網民認為，九龍城區整體老化，客源早已被新商場搶走，「早十年都仲有機會返身，宜家又Airside又零售館，邊夠人打」。更有人直言，即使過去曾引入冒險樂園等娛樂設施，「一樣做到執，開乜死乜」，商場真正希望或許只能寄望區內大型重建計劃。

即睇網民留言

+8

+7

點擊圖片放大

來源：KCP 九龍城廣場、HKET、連登討論區

圖片來源：Facebook@AEON Stores 關注組