香港探秘地圖｜關嘉敏火辣比堅尼泳衣零贅肉 獲網民洗版讚有當年利智影子

盤點《香港探秘地圖》第一集5大看點

《香港探秘地圖》昨晚播出第一集後，隨即在網上吸獲大量好評，大讚劇集夠「港味」之餘，祥哥與嘉欣併發出的火花、以及祥哥的招牌式「賤賤格格」，都令網民看得相當過癮，封劇集為「搞笑版《十二傳說》」；另有網民笑言是「閻蛇再遇 Dark Angel（祥哥與嘉欣在《殺手》角色名）」，網民：「好吸引，支持本地創作港劇」、「有港味既戲」、「估唔到第一集都已經咁好睇」、「有追看性」、「劇情幾吸引」、「柴九係啱做呢啲呃神騙鬼同古惑仔」。

關嘉敏火辣鮮紅比堅尼泳衣 出水芙蓉獲讚有當年利智影子

《探秘地圖》首集除有「閻蛇（祥哥）再遇 Dark Angel（龔嘉欣）」這個好戲配搭在劇中鬥個你死我活，《女神配對計劃》關嘉敏／葉蒨文驚喜客串、倪嘉雯浮誇得來極有可愛感的演繹、嘉欣的黑絲美腿造型，以及劇中疑幻似真的鬼故事都充滿看頭。關嘉敏（Carman）出名身材火辣，昨晚穿上鮮紅色比堅尼分別上演水底英姿及「出水芙蓉」，獲大讚有昔日性感女神利智影子，有網民更揚言關嘉敏上水一幕定必引發洗版熱潮：「關嘉敏好Fit」。至於葉蒨文（Sophie）雖只是以閃現形式客串劇中大紅人角色，但仍成功吸獲網民關注，《女神》效應非同小可。

+5

+4

點擊圖片放大

龔嘉欣揭黑色魚網絲襪造型靈感嚟自《殺手》 

龔嘉欣及倪嘉雯兩代小花的精彩演出，亦吸獲了高度好評。龔嘉欣昨晚分別以黑絲魚網、及少女短打上陣的龔嘉欣，一雙美腿大獲好評。談到黑絲＋爆炸頭造型，嘉欣接受tvb.com訪問時大爆造型是參照《殺手》：「其實試咗好多個髮型，最後揀咗呢個爆炸頭，希望令個角色更加鮮明。」

+2

點擊圖片放大

倪嘉雯「浮誇喊驚樣」獲讚可愛

談到要犧牲靚樣將整塊臉「拍扁」撻落鏡頭，嘉欣笑言零介意：「我不嬲都冇包袱，當時拍嘅時候都有工作人員話咁樣我會好核突，但我覺得唔緊要，只要係劇情需要，同埋可以令個角色更加出到，觀眾睇得開心就得。」昨晚飾演撞鬼少女的倪嘉雯（Carmen），同樣犧牲靚樣大擺「嚇破膽」表情，遭網民笑言「誇張得嚟好可愛」，並大讚倪嘉雯顏值性格都好吸引：「Carmen 係幾靚，白白淨淨又開朗」、「呢個蔭認佢唔到」。