香港探秘地圖｜倪嘉雯首演女二被狠批聲音太尖？親回承認有一原因︰多謝提醒

倪嘉雯本色演技竟被批「聲音太尖」

倪嘉雯的演出亦相當有層次，一時是Over-react的「戀愛腦」、一時是「陰險」的心機女、一時又是核爆式發脾氣的「忟薑」。談到新劇角色，倪嘉雯（Carmen）受訪時笑言自己是「氣氛擔當」，負責「冇腦地搞笑」。

談到被指演技「誇張得嚟可愛」兼「聲音太尖」，Carmen表示有留意網民所有Comment，並虛心表示會盡力解決自己的問題：「我個角色好神經質、情緒大上大落，大上嘅時候會好激動，我把聲就（好自然）飆咗上去，呢個都係我需要解決嘅問題，好多謝網民提醒。」

點擊圖片放大

Carmen補充指今次有刻意「放大嚟演」：「因為睇劇本知係輕喜劇，係想輕輕鬆鬆令觀眾笑吓。」又謂自己也覺得「王秀儀」這個角色很可愛：「佢嘅反應你係完全估佢唔到！你唔會喺打小人嘅時候問師傅『呢度會唔會招桃花㗎？』」

+2

點擊圖片放大

承認真人與劇中角色一樣咁「跳Tone」

至於昨晚放大喉嚨喪鬧丁子朗，Carmen笑言自己私下絕不會這樣鬧人，但承認自己跟「王秀儀」一樣有「跳Tone」情況：「我啲朋友同我傾偈，都會話我點解會畀埋呢啲答案，覺得我好搞笑。」

+2

點擊圖片放大

她又笑指拍《香港探秘地圖》氣氛很愉快，並大讚黎耀祥幽默感爆燈，鏡頭前鏡頭後都好搞笑，令首次擔這麼重戲份的她由緊張變放鬆，可盡情「放大」演繹角色：「祥哥無論拍嘅時候或私底下都好搞笑，佢幽默細胞好多。」