目錄
職場防小人必睇!無論是公司還是日常生活中,總有種人「開口夾著脷」,明明唔關佢事又要搭嘴,結果搞到是非滿天飛!想一眼睇穿邊個係天生是非精?香港玄學名家蘇民峰師傅 指出,有8大面相特徵的人特別容易「招惹是非、口不擇言」,一張嘲睇兩隻門牙就知道對方說話靠唔靠得住。唔想無端惹禍上身,想避開「是非攝石」,即睇蘇民峰8大是非精面相清單,見到呢幾款特徵就要保持安全距離!
蘇民峰拆解是非精面相
易招是非面相|1. 嘴藐藐
嘴巴歪左或歪右,性格都是口不擇言,口多多,易得罪人,再加上予人嘴藐藐的壞印象,自然惹人反感。
是非引力: ★★★★★
易招是非面相|2. 門牙疏落
除了觀察嘴型還要睇牙,兩隻門牙牙隙闊到可以插住牙籤的人,通常口水多過茶,兼且講嘢靠唔住,又愛講大話,屬吹水王一族。
是非引力: ★★★★
易招是非面相|3. 門牙生得似八字
補充一點,門牙生得唔正,還要似八字打開,通常都會招惹無謂損失,屬於冤枉型是非精,好多時因失言而得罪人。
是非引力: ★★★
易招是非面相|4. 眼珠圓又凸
眼珠又圓又凸露,愛搭訕惹禍上身。這類人亂說話和搭訕,明明唔關自己事都要好似「賣魚頭,搭魚咀」,多管閒事又愛加把口,最容易無端端惹是非。
是非引力: ★★★★
易招是非面相|5. 垂珠嘴
上唇中間生有一粒好似肉珠的人,愛說話之餘生性愛拗頸,又不服輸,死都要拗番生,完全是包拗頸性格累事而惹口角。
是非引力: ★★★
易招是非面相|6. 上唇過厚
上唇較下唇厚的嘴稱為兔嘴,說話無技巧,加埋略翹的話,說話多又長氣,容易不覺意得罪人。
是非引力: ★★★★
易招是非面相|7. 吹火嘴型
嘴唇微翹,並向前傾,這種是典型八婆嘴。他們性格愛爭吵,又愛說話,名副其實的「三姑六婆」格,愛搬弄是非。
是非引力: ★★★★★
易招是非面相|8. 倒夾牙
天生牙形「倒夾」,通常性格較內向,但是一開口,就容易開口夾着脷,易講錯說話。
是非引力: ★★
來源:蘇民峰命理風水網站








