【小朋友生日會場地2026】港媽推介5大熱門派對熱點！麥當勞/冒險樂園/Pizza Hut/Playhouse/酒店

【WhatsApp群組限定福利】加入U Lifestyle 官方親子 WhatsApp 群組，第一時間獲取最快、最齊嘅親子福利同親子活動資訊！

香港熱門生日會場地：麥當勞 童年回憶重現

• 地點：全港多間指定麥當勞分店
• 價錢：生日會派對最低消費HK$2,800起，另需按實際點餐金額付款；如出席派對之嘉賓人數超出 10 位，此後的每㇐位出席者必須另繳付HK$35， 作為額外的派對服務費
• 人數：一般建議基本計劃約 10 位小朋友成團；視乎分店座位安排，部分分店可容納約 20–25 人，上限需向個別分店查詢
• 時間：生日會時段一般 1.5小時，通常設有固定時段，由分店按營業情況安排，大致以非繁忙時段為主，
• 包含內容：專員帶領集體遊戲、生日之星禮物、小嘉賓禮物、生日帽及簡單派對佈置，並提供餐飲服務（食品款式及數量按點餐而定）

對於好多家長嚟講，麥當勞生日會絕對係充滿情懷嘅選擇！媽媽 Creator 「狐狸港媽遛小肥陽」分享，自己細個都試過喺麥當勞開生日會 ，嗰份戴住生日帽玩集體遊戲、食住漢堡薯條嘅開心回憶，到而家都仲記得好清楚。而家輪到為自己小朋友舉辦呢場充滿回憶的派對，意義非凡 ！

▼點擊看港媽 Creator 第一手分享▼

香港熱門生日會場地：Pizza Hut DIY薄餅樂趣多

• 地點：全港多間指定 Pizza Hut 堂食分店（約 20 多間提供生日會或 Pizza 小廚神神活動）
• 價錢：最低消費 HK$3,000 至 HK$4,000（折扣後金額）不等，消費主要由盆裝美食、飲品及 DIY 迷你批等項目組成， 另需支付HK$400的定額場地活動及佈置費
• 人數：不同分店可容納人數略有差異，大約可由 30 人至約 50 人不等
• 時間：生日會設有早場及下午場可選，常見時段為 10:30–13:00 或 15:00–17:30，整體約 2.5 小時
• 包含內容：以 buffet 形式奉上事先選好的盆裝美食、Pizza 及飲品外，生日會期間亦會有店員帶領小組遊戲。亦可額外加購「自製迷你批」活動，讓小朋友親手製作 6 吋迷你薄餅，配上零食、啫喱及果汁，食玩兼備；生日蛋糕則由家長自備，店員會代為切件及安排時間唱生日歌。

媽媽 Creator 「Be a Asterholic」推薦帶小朋友去 Pizza Hut 搞派對，每節生日會足足有 2.5 小時，時間相當鬆動，就算無加購工作坊，大人小朋友都可以慢慢食嘢同玩遊戲，夠晒時間 chit-chat！加購的小朋友 DIY Pizza 環節非常值得玩，姐姐會先介紹工作流程 ，然後小朋友可以從 5 款材料中選擇自己鍾意嘅口味同份量 ，大約 10 分鐘烤焗就可以食到新鮮熱辣嘅自創 Pizza 。

▼點擊看港媽 Creator 第一手分享▼

香港熱門生日會場地：冒險樂園 無限任玩放電一流

• 地點：設有大型充氣彈跳迷宮及多款遊樂設施的冒險樂園分店（包括黃埔花園、葵芳新都會、大埔富善、太古城中心、樂富廣場、啟德 AIRSIDE、馬鞍山新港城、將軍澳 MCP 新都城二期、沙田禾輋及西沙 Go Park 等）
• 價錢：生生日會按分店及日子分級收費，平日（星期一至四）一般每位小朋友約 HK$100–180 起，星期五指定日子及週末、公眾假期約每位 HK$120–280 不等。 價格會視乎選擇 2 小時或 3 小時時段及所在分店而調整，特別日子亦會以特別價收費，最新價目以各分店當時公佈為準。
• 人數：多數分店設最低人數10位起，新界及九龍大型分店如黃埔、樂富及大埔店建議最多可容納約 40–50 人，當中黃埔可容納達120–150 人。 
• 時間：分店會提供 2 小時或 3 小時生日派對時段，常見開場時間包括早上 10:00 或 11:00，以及下午 13:30、16:00 或 18:30 等
• 包含內容：專屬派對區或包場遊玩時間、生日會期間無限任玩波波池及機動設施（如碰碰車等）、基本遊戲安排及遊戲代幣；部分套餐不包餐飲，需另行安排到會或自備小食

如果小朋友精力充沛，媽媽 Creator 「Chuchunana」大推在冒險樂園開生日會 ！生日會期間可以無限任玩碰碰車同波波池 ，同成班朋友仔一齊玩到癲，氣氛極佳，絕對係放電首選！

▼點擊看港媽 Creator 第一手分享▼

香港熱門生日會場地：Kiztopia 沙田新城市廣場 巨型室內遊樂場派對

• 地點：沙田新城市廣場 Play Park LB08–LB09，另設Hopewell、Airside等分店
• 價錢：基本 Classic 套餐 HK$5,388，而升級 Premier 套餐HK$7,888（以 10 位小朋友為單位），並可按需要訂製主題。 若需加位，額外小朋友及家長會按當日正價入場票或加購價收費，詳情以官方最新價目為準。
• 人數：標準套餐一般以 10 位小朋友及 10 位家長為基本，適合中小型生日會。 透過加購人數或升級「加大派對房」方案，可容納更多親友出席
• 時間：Classic 套餐大約包括 2 小時派對時間，而 Premier 套餐約 3 小時，會包括進場遊玩時間及專用派對房活動 
• 包含內容：所有套餐均包括場內遊玩時間、專用派對房、Kiztopia 主題佈置及個人化電子邀請卡，並會為生日之星送上小禮物及派對好禮包等，令小朋友有滿滿儀式感。 部分套餐更可升級至自訂主題、加插魔術表演、氣球扭波、手作或攝影服務等，細節可與 Kiztopia 派對大使 WhatsApp 查詢及度身設計

香港熱門生日會場地：荃灣帝盛酒店 全包式兒童酒店派對

• 地點：葵涌健全街 28 號荃灣帝盛酒店 3 樓，設有約 2,000 呎室內兒童遊樂區
• 價錢：以人頭計算，平日（星期一至五）每位約 HK$176 起，週末及公眾假期每位約 HK$264 起，另可加每位約 HK$40 升級至 Deluxe 自助餐餐單，另設加時收費
• 人數：最少 15 位小朋友成團，額外賓客可按人頭加購（平日每位約 HK$220 起，週末及公眾假期每位約 HK$330 起）
• 時間：派對時間為早上 10:00 至晚上 20:00 之間任何 2 小時時段，惟不包括每日 15:00 的深層清潔時間
• 包含內容：套餐包括專用派對房使用、派對自助餐及飲品、免費生日切餅服務、生日背景音樂、個人化迎賓牌及簡約場地佈置，兩位 60 歲或以上長者更可免費參與，方便一家大細齊齊慶祝。 另可加購工作坊、攝影、扭氣球、面部彩繪等服務；部分推廣期更會附送 Kids Zone 全日通行證、泊車優惠或免費攝影／扭氣球時段

以上生日套餐價錢只供參考，更新至文章發佈日期。

全港爸媽最強「親子Chill玩攻略」正式上線！

每次放假都要諗帶仔女去邊玩真係R爆頭😵‍💫...唔驚！U Community社群已經為各位爸媽準備好「親子Chill玩攻略」！無論係全港最新放電位、隱世打卡點，定係親子旅遊攻略同育兒心得，一應俱全！

資料來源：社群U Creator @狐狸港媽遛小肥陽、社群U Creator @Be a Asterholic、社群U Creator @Chuchunana、荃灣帝盛酒店、Kiztopia、 McDonald's、美國冒險樂園、香港必勝客