女神配對計劃2｜「林敏驄2.0」浮誇髮型再現！瘋狂遊花園自爆睇中傻氣陳若思

「流量神話」王維燁：繼續「答非所問」勁遊花園

首季海選時創下流量神話的「林敏驄2.0」王維燁透過視像成為首位面試者。載譽回歸的王維燁，髮型明顯比之前再Set高一截、兼認真地獻唱《愛情陷阱》作為才藝表演。闊別近一年，王維燁依然答非所問、「守口如瓶」。

「林敏驄2.0」王維燁「增高」回歸 睇中「傻傻哋」陳若思？

江美儀問他「點解報名」，王維燁：「報名只係玩吓咯」，林盛斌追問是「冇諗過入圍」，王維燁又說：「如果可以入圍更加好啦。」江美儀再問：「咁你有咩優點？」後，王維燁即爆笑回應：「其實自誇自擂我做唔到，我唔知自己有咩優點。」令全場拍爛手掌。

今季，王維燁再被追問收入，原本他與上季一樣回答：「有多有少」、「多嘅時候多啲」，但經林盛斌一再追問，王維燁終鬆口：「幾皮（萬）咁咯。」王維燁其他精彩對答：「有冇追女仔？」、「唔識追女仔」、「有冇女仔追？」、「會有嘅」、「你有咩吸引力」、「唱歌方面咯」。

談到《女神2》5位女神，王維燁直指有留意陳若思，大讚對方甜美、值得欣賞，但卻未能說出具體感受：「整體形象ok嘅」、「唔知點講，講唔到。」遊了一大輪花園後，林盛斌終忍不住：「我要講一句啫」，王維燁續說：「幾欣賞佢咯，佢早排《正義女神》個角色傻傻哋。」