麥秋成驚爆「我哋終於分手」震驚網民 IG撰文唔捨得：我哋好用心

麥秋成突發文：「我哋終於分手！」

不過大家可以放心，原來麥秋成口中的「分手」，其實是指他苦心經營了一年的雞蛋仔與格仔餅生意，即將與合作夥伴暫時告一段落。

+3

+2

點擊圖片放大

從他上載的影片可見，戴著白色鴨舌帽、手套的麥秋成在廚房表現得有板有眼，凡事親力親為。他感性地撰長文透露，這一年來自己由零開始，甚至特意走去元朗學藝，親自設計品牌、包裝及撰寫Menu。

+4

+3

點擊圖片放大

雖然過程中碰到不少釘子，但他直言：「先唔好講賺錢定蝕錢，見到客人回頭返嚟話畀你聽好食，乜都抵啦！」至於未來會否重開，麥秋成則留下伏線表示「未答到你」，並以「後會有期」作結。

「會唔會唔捨得我哋最後一日 雞蛋仔，格仔餅半價

我哋終於分手啦，呢一年嚟我哋好用心經營，所有嘢由零開始，走去元朗學整雞蛋仔，格仔餅。研究唔同新款雞蛋仔，（芫荽爆蛋雞蛋，蘋果肉桂雞蛋仔都係我嘅首選）真心第一次開食肆，攞咗好多經驗，由自己親自設計品牌，產品包裝，自己寫Menu，當中都碰到唔少釘。先唔好講賺錢定蝕錢，見到客人回頭返嚟話俾你聽好食，乜都抵啦。可能未必係最好，但至少唔會失禮。呢一年同一田合作係開心嘅，係有啲唔捨得，不過都要告一段落。

會唔會再開，會唔會就咁完結？

我未答到你。

5月25日星期一。係我哋喺沙田最後一日。過嚟食雞蛋仔格仔餅全日半價。

各位有緣再見la。

你最鍾意食邊款雞蛋仔格仔餅

留言話俾我聽

#感謝曾經遇見每一個你

#沙田雞蛋仔

#後會有期」