一周星星｜《閃電傳真機》5位主持人激罕同框 梁詠琳息影25年現身曝最新近況

幕前幕後大不同｜譚玉瑛酒後大變身 坦承試過鬧人講嘢難聽

作為香港最具代表性兒童節目主持人，譚玉瑛（阿譚）原來幕前幕後大不同，Ben大爆：「邊個冇畀譚玉瑛鬧過㗎？」阿譚不否認，更坦承曾對他人講一些難聽說話：「不如你返屋企瞓一陣喇」、「瞓醒就唔使返喇」、「你根本冇眼光」，她承認自己會酒後吐真言。

兒童節目《閃電傳真機》5位主持人激罕同框 

而領教過譚玉瑛酒後大變身的麥包，回憶起當年告知阿譚要結婚一事，被阿譚大聲斥喝的畫面至今仍難以忘記：「你係咪癲㗎，係咪想害人？」、「你害死人憑咩結婚」，私底下個性相當直率。

譚玉瑛親解傳聞 反爆星爺蝦同行演員

節目還有一Part精彩位莫過於「本尊Fact Check」環節，阿譚親證舊拍檔星爺沒有欺負小演員：「佢都費事騷人，點蝦你啫？」雖則星爺沒有欺負小朋友，但阿譚卻大爆星爺有欺負同行拍檔，到底是誰呢？當然要留意節目啦！

+2

點擊圖片放大

麥長青冇錢買西裝見人 眼濕濕憶媽媽一個舉動圓夢超感動

節目另一爆點位就是當麥包回憶年輕時參加《1987超級新星競選準決賽》，入選後製作組吩咐要準備一套西裝示人，於是媽媽的一個舉動成全了麥包夢想，講起這段往事他忍不住眼濕濕，連區永權都大為感動聽到眼濕濕。

曾奪高收視獲六叔邀請到別墅飲茶

《閃電傳真機》在90年代紅極一時，芷珊姐姐亦在節目透露曾有一次因高收視，獲得邵逸夫（六叔）稱讚，眾人更去對方別墅豪宅飲下午茶。