夫妻肺片丨馬國明被爆名店現場代購包包 親曝寵妻金句：「送個袋畀老婆好平常」

馬國明尷尬冧豬樣勁肉麻

今集「夫妻互片」環節探討財政大權話題，而兩位視帝譚俊彥及馬明的寵妻程度絕對可以列入教科書級別！馬明強調自己婚前婚後均「冇乜點使錢」。

蕭正楠聞言即爆料指馬明認識老婆湯洛雯前，無論工作或踢波都只孭同一個黑色單邊袋，阿蕭：「突然間有一日，佢換咗袋喎，跟住我就同老婆（黃翠如）講『馬明一定拍緊拖，呢個袋一定係女朋友送畀佢嘅』。後尾真係畀我知佢拍緊拖。所以佢真係唔使錢喺自己身上架。」

馬國明拋「天花板人夫」語錄

譚俊彥亦加入「爆料戰團」，指曾親眼目睹馬明在名店內用 FaceTime幫湯洛雯「代購」，阿譚邊爆料邊模仿馬明當時寵妻語氣：「BB你要唔要呢個呀？BB你鍾意我買畀你吖！」

被爆料爆到極尷的馬明，即大拋被現場女士捧為天花板的「人夫語錄」反擊：「老公間唔中送個袋畀老婆，我又覺得好平常。」令全場女士開心到嘩嘩聲，曹永廉即忍不住代天下男人發聲：「你玩皺人哋啲老公呀！」過程爆笑。