香港探秘地圖｜丁子朗戲內外與黎耀祥情同父子！驚揭亡母死亡真相與恩師1秒決裂

丁子朗內戲外與黎耀祥情同父子

由於一臣一直對文彬照顧有加，二人早已情同父子，昨晚二人飯後散步一幕，無論是「盡在不言中」的眼神交流，以及一臣眼泛淚光對文彬語重心長：「你唔好嫌師傅長氣，要記住呢個世界好人多，但壞人仲多」、「不過無論點都好，對人性千祈唔好失去信心」、「世事無常，師傅唔會一直陪住你」，均彌漫著滿滿的溫情，與之後迎來的「恩師是害死母親真兇」形成強烈反差，難怪文彬心痛欲絕，丁子朗亦將「難以置信」的心痛狀態演繹得甚有感染力。

+3

+2

點擊圖片放大

為拍劇鬧爆祥哥︰即刻講對唔住

談到與祥哥合作，丁丁坦言二人戲內戲外感情均像「兩父子」：「祥哥會教我哋點樣演繹啲對白，就算有時食飯戲嘅簡單對白、我哋平時會好易忽略，但祥哥會教我哋點樣賦予意義喺啲對白入面，例如諗吓自己個角色會點樣講呢句對白咁。所以同佢一齊拍戲，每場戲都好似考試咁，拍完都會問佢意見。」

+3

+2

點擊圖片放大

而談到在今晚一集要鬧爆祥哥，丁丁坦言拍攝時心理壓力很大：「鬧佢嗰幕真係緊張架，因為祥哥真係大前輩，要鬧爆佢我覺得好不敬，但祥哥反而鼓勵我盡情去鬧，我最後拍完場戲都有即刻同佢講對唔住。」